Tsaw ra ai mai gan Mung dan ni hta du taw nga ai J.W sha ni hpe ga saw lajin mayu ai dai ni anhte a mungdan hta byin nga ai mjan a majaw buga masha ni ruyak tsim yam hkrum nga sai hpe yawng chye nga chyu lu rai sai, ndai majan mung koi yen nmai ai majan mung rai nga ai , ndai majan galoi she zim na mung gadai nchye lu nga ai .
Miwa mung hte hting bu ai majaw anhte a tsin yam hkrum masha ni hpe mungkan kaw na garum la na mung grai yak nga ai . Dai majaw nang ngai mai gan ga du nga sai ni madu hte ni htep ai nawku hpung ni ,manang ni, madu shang lawm ai wupung wupawng hkan e anhte a lam hpe chye tsun da ra ga ai ,anhte lam hpe anhte sha ntsun dan, nkajai dan yang kadai mung atsawm chye na nre.
Dai ni US,Canada,UK,Norway,NZ,Australia kaw nga ai J.w sha ni hpe lajin mayu ai ndai partners relife development ni hpe matut mahkai la ga ngu gasaw mayu ai ndai wuhpung gaw Myen Mung jarit na tsin yam ni hpe garum nga ai ni re, nkau chye ai ni mung nga na sai , anhte NZ na J.W sha ni gaw ya ten ndai wuhpung hte matut let tsim yam masha ni hpe grau na tang du ai ladat hte garum lu na matu hkyen la jang nga sai.

June 30 ya sha ni Myen asuya hte wunpawng mung dan shang lawt asu ya ni ntsa lam hkrum sha ga ai lam shi ga na lu ai majaw myit hta kabu ai zawn nga hkam sha ai rai tim myit tsang ai ma ga de she grau law n-ngai hpa ma jaw nga yang myen gaw tsun ai hte galaw ai gaw galoi mung wa shakap shai chyu galaw ai ni re.
Ya mung sim sa lam ga law ga she nga tim shan hte a arawn lai ni gaw sim sa lam maga de nrai nga ai.KIO/KIA hpe sha myit kau na lam hpe ladat jaw jaw hte lu galaw na matu majoi aten garawt nga ai ngu sha mu mada ai, maga mi de jahta ai zawn rai masu na maga myi de gaw hpyen n-gun jat bang nga ding yang rai nga ai,mung masha ni hpe zai hte zing ri ding yang rai nga ai.
Dai majaw anhte a ning baw ni sung sung myit yu ra na ga ai lang hte lang anhte hkrum sha yu sai mahkrum madup hpe myit dum ga ,myen ni shawng sim sa lam a matu hpyi shawn wa ai nga na myit nkaba mat na mung sadi ga kalang shut jang sharai la na yak la ai re dai hpe anhte dum nga ga.
Dai ni kraikasang gaw anhte myu wunpawng sha ni hpe shalawt dat mayu sai anhte ni ladat jaw na sha ra sai.Moi shang lawt nnan hpang wa ai sha loi na mung shawa masha ni a myit ja sat hte dai ni na W.P sha ni a myit ja sat grai shai mat sai hpe mu ma da ai dai majaw anhte tawn da ai pandung ndu ding sa nmai jahkring ai Awng padang lu hkra myit hkrum mang rum hte sha kut yang k.k gaw an hte hpe Awng padang hta nlaw sha ngun na re hpe kam hpa let jawm sha kut ga law.
Wunpawng Mung dan shanglawt lu u ga.

Mungkan shiga pinra hte WP ni a gam maka - sawn dinglik ai Maran La Raw (SK)

· Myanmar blames Kachin rebels for fighting

· Associated Press– Sat Jun 18, 2:18 am ET

YANGON, Myanmar – In its first public comments on a week of fighting in northeast Myanmar, the government said Saturday that ethnic Kachin rebels fired first and the army had to act to protect a major Chinese-built hydroelectric power project.

The skirmishes were some of the fiercest in nearly two decades between government forces and the Kachin Independence Army. They erupted June 9, displacing at least 10,000 people over the course of about one week. The rebels have blamed the government for launching an offensive after militia fighters rejected a call to leave the strategic region.

The government says it did call on rebels to leave, but accused them of firing first after threatening Chinese technicians and detaining two army officers, according to a report Saturday in the state-run New Light of Myanmar newspaper.

The 8,000-strong Kachin militia is one of several minority ethnic rebel armies in Myanmar who say they are fighting for greater autonomy.

The government paper said Myanmar's military ordered rebels to withdraw from a camp near the Tarpein hydropower project, a joint venture between Myanmar's Electric Power Ministry and China.

The government said that during the fighting, militia fighters blew up power pylons that fed the project, as well as 20 bridges. The violence forced 215 Chinese employees to flee home across the border, the report said.

Military columns "had to inevitably attack the KIA just to rescue their officers ... who were detained without any reason and to protect the high-cost Tarpein hydropower project," the report said.

The U.S. Campaign for Burma, a Washington-based lobbying group, said last week the militias had returned six detained army soldiers during a lull in fighting. It was not immediately clear if the two officers reported detained by the government were among them.

Myanmar's central government has tenuous control of many parts of the country where minority groups are strongest. Many of those groups maintain their own militias. The government has reached cease-fire agreements with 17 rebel militias since 1989 and most have been allowed to keep their weapons and maintain some autonomy over their areas.

The Kachin militia reached a peace deal with the country's former ruling junta in 1994, but the truce broke down last year after the militia rejected a call by the government for them become border guards under army leadership. The junta made the appeal ahead of last November's elections, Myanmar's first in 20 years, which introduced the nominally civilian government now in power.

Sawn yu ga

Anhte hpe ndai hku mu shangun nga ma ai: Lahta na shiga hpe Yahoo website kaw na shaw la nna kasi madun tawn nngai. Ndai gaw mungkan shi-seng media hpe gumshem Myen atsuya gara hku nna, gade daram lu lang ai hpe madun nga ai. Ndai hta WP rawt malan hpung hpe rebel – tara shang ai atsuya hpe ninghkat rawt malan ai ni- ngu nna shamying tawn nga ai. KIA hpe rebel ngu nna dingyang shamying tawn ai gaw mungkan a myiman hpe gumshem atsuya mu shangun mayu ai hku yu mat wa na matu lajang la ai lam re. Kaga shara hkan KIA hpe insurgent, mungdan uphkang masa hpe rawt malan ai ni; armed militia – laknak lang ai kahtawng/mare masha, mung ngu nga ai.

Gumshem hpyen atsuya gaw tara shang ai mungdan atsuya re, tim KIA hpe gaw rebel, insurgent she re, ngu nna mungkan shawa hpe chye na hkap la shangun ai ladat re; ndai gaw news media a manu mana kaba la ai n-gun re. Shawa a myit hpe gang gayin la nna shagyip kau ya ai masa rai nga ai. Dai ni na globalized world – mungkan ting gumdin gumhkaw langai sha rai mat wa ai mabyin manghkang hta, lu lang yang n-gun kaba rai, n lu lang yang hkam mana na rai, rai nga ai.

Anhte maga hpe gara hku mu mat wa sai kun? KIO/KIA gaw mungmasa lam ai majaw, jet ai federal democracy sharawt mayu ai majaw, Munghpawm hpe gawgap shalat ai ni aru apawt shadaw dawhpum hku nna masat bang tawn ai tinang amyu mungdaw hta tinang uphkang lu ai ahkaw ahkang lu na, nga ai majaw rawt malan ai lam, Panglong Agreement hpe matut manat tawn nna sa wa ai uhpung, - ndai lachyum ni hpe shinggan nna n mu lu mat sai, n na lu sai, dai majaw kadai n chye mat sai. Anhte gaw, gumshem atsuya ya a matu rebel, insurgent ni sha re, ngu ai daram sha chye na mat sai.

KIO hpe “Aung San Lu “ ngu shamying ya ai ni pyi nga sai. Aung San Kaw hpe “aprat lai mat, nau gumgai mat nna n mai lang sai” nga ai shiga news media report galaw ai ni nkau mi gaw, KIO hpe “Aung San Lu” ngu mayu nna tinang nan bai mani gahe, re ai langai lahkawng hte hkrum yu sai, tengsha byin sai. Daup dat gaw n mai, hkam gaw n kam hkam rai yak kau sai.

Du Kaba G. Gam Shawng hte S. Gun Maw hte hkrum yu ai ni chyawm gaw “Ndai yan gaw KIO zawn n re” bai nga ma ai.

Shinggan de na news media report galaw ai ni a matu KIO hpe gaw n kam hkungga mat timung, KIA hpe gaw malai shatai na lam bai n mu mada, re ai manghkang byin nga malu ai. Tengsha re.

WP ni a yi-ngam Anhte hta gumshem atsuya zawn, daram, media laknak ginsup na atsam n nga ai. Shanhte chyam hkra galaw lu ai daram anhte n chye galaw ai, n-gun n nga ai.

Tim, gumshem atsuya a shiga masa gaw shamawng ai masa re; hti nna shanhte hpe kam ai gade daram nga ai kun? Gumshem atsuya hpe “kam ging ai ni, sadi dung ai ni” ngu masat la tawn ai mungkan mungdan hpa-awn ni gade nga nga ai kun? Tengsha n kam timung, Miwa Mungdan zawn, “kam masu ra ai” mungdan kade nga kun?

Anhte a lit – Anhte chye lu ai ndai daram re: Sinna democracy mungdan kaba ni hte gumshem atsuya hpe “n kam ai, kam yang shut ai” ngu chye na mat sai ni grai law nga ai. Ndai ni gaw, anhte maga de nna kasa ni du sa nna tsun ai hpe madat na jin jin rai taw nga masai. Anhte shanhte hpang de kyit-hkai kasa dat saga ni? Anhte sa tsun dan na anhte a agenda: “Anhte gaw insurgent n re, tengman jet ai federal democracy hpe sharawt na matu Panglong mahkyen hkan ai Munghpawm hpe makawp maga ai ni she re” ngu sa tsun dan na jin nga saga ni?

Ndai zawn re atsam shapraw nna kyit-hkai gintan la ai ningtau mungdan kaba ni garum la ai hte anhte a mahkyen awng dang lu na lam de matut sa wa ra saga ai law.

Tsaw ra ai N.Z du J.W myu sha ni , Mungkan shara shagu hte kanu mungdan hta sha nu nga ai J.W myu sha ni yawng hpe ga saw lajin dat ga ai. KIO kawn woi awn nga ai PADANG HKRUN LAM hta aung padang dip la lu na matu karai kasang kaw anhte ja ja akyu hpyi ra ga ai ,dai majaw madu du nga ai sha ra kaw lani mi 3 lang nhprai ai sha akyu hpe ga ngu gasaw la jin dat ga ai.

Kyu hpyi na aten Manap 6:00 Am shani kang 12:pm hte shana de 6:pm

Akyu hpyi na lam

1. PADANG HKRUN LAM HPE KARAI KASANG WOI AWN YA NA MATU.
2. NING BAW NI KARAI KASANG KAW NA NYAN HPAJI LU LA NA MATU HTE MYU TSAW SHARE SHA GAN NI A MA TU.
   
3. KARAI KASANG A MYING NING SANG HTA J.W SHA NI GRAU NA MYIT HKRUM GAHKYIN GUM DIN WA NA MATU.
4. HPYEN HPRAWNG TSIN YAM NI A MATU.

Nbung laru kaba du na matu gaw nbung bung shi ni shawng ahpawt ai hpang she laru ka ba gaw du ai re. KIO kawn myen hte sim sa lam la let mung masa hpe hparan lu na matu lam tam sha kut yu tim jet ai mahtai hpe nlu ai dai majaw 17 ning zim nga ai sanat mahku gaw anhte a mung dan hta bai na lu sai. Ndai zawn sim sa ai ten myen gaw anhte buga gin ra ni hta hpyen dap ni hpe hpaw jat let grau na she maden jat wa ai myu sha myit masing hpe zai ladat jaw jaw hte ga law wa ai gaw ngang ngai yawng chye nga ai.
Ndai zawn sim sa nga ai ten anhte bu ga ni hta nbyin ging ai grai byin lai wa sai,lamu ga ni hpe laba hte madu la ya ai myu sha ni hpe kasi majan hte gasat ai,wuhpung kata sum prat a dit bang ai sai garan ai ,nang hpan lu sha ni hte sha myit ai . Ndai zawn myen hte sim sa lam la ai a marang e anhte amyu ni a matu hpa akyu nhkam sha ai hpe mu mada ai .
Dai ni myen gaw shi a hpyen dap hpe chyam yu na matu hte KIA a atsm hpe chye mayu na ja hte tam la let majan sha byin ai, rai tim shi tak ai hte shai mat ai ma jaw ya ten shi a zai la dat ning gawn hpe bai gram ai ten re ngu mu ma da ai kade nna yang maja hte anhte hpe bai htim ga sat na ma tu ngun la nga ai re ngu sha mu ma da ai.
Ahte wunpawng sha ni gaw pu gang sin machyi ni re, dai hpe chye ai myen gaw anhte a lapran shada sat nat hkat na gin jang ni hpe ga law nga ai . Ga sadi ndung ai myen gaw dai ni shi npu taw ai BGF dap ni hpe ding hku majan hta njai lang ai nga ga sadi hpe jahten kau na shawng lam majan pa de dat ai ndai lam ni gaw anhte hpe sumprat ga law ai sha re.
Dai rai yang dai ni anhte wunpawng myu sha ni hpa ga law ra ai ta karai kasang a mying ning sang hta myit hkrum gahkyin gum din ra ga ai.Dai ni anhte a kam sham ai hte myit hkrum ai gaw anhte hpe awng padang jaw ya na a npawt re.Myen npu hta bung li ga law nga ai wunpawng sha ni gadai rai tim ahkyak jang sai ga sha ga ga. Mai gan ni mahti jaw ai kaji kajaw ahkaw ahkang kaw sha npyaw mat ga madu a lam madu wang lu wang lang mai ga law ai ahkaw ahkang hpe myit mada nga ga.Dai majaw dai ni anhte J.W sha ni madu du ai sha ra madu mai ga law ai madang kawn anhte kaw du wa na satan a ari ahpri tsinyam mahkra hpe Dai Madu karai kasang a Mying ning sang hta kam sham ai hte myit hkrum mang rum let mahku nsen la ngai sha hte Awng Padang dip la ga ngu .

Wunpawng mungdan shanglawt asuya a ndau shabra lai ka clik

Yangon kaw jawng lung nga ai Jinghpaw ma ni hpe gau sha le clik

NDA-K Ningbaw ding sa lahkawng hpe myen ni nta kaw zing da clik

Lai wa sai 2010 ning shata man 8 hta sha byin lai mat wa sai NZ mung dan a dingda zinlawng na christchurch mare hta dai na de 1:00pm grup yin hta kalang mi bai n-gun 6.3 magnitude ja ai n-nang nawn kaba bai byin mat wa ai. lai wa sai shata 5 hta byin ai ten hta masha si ai lam n-nga tim dai ni bai byin ai gaw si hkrung si htan hte hkala nba ram ram law ai lam hpe chye lu ai ya du hkra gaw marai 60 jan si sai lam hte dum nta ni ram ram htyen run mat ai lam hpe shiga dap ni kawn lakap let chye lu ai. Ya ten tsinyam byin ai shara hta anhte J.W sha ni grai nnga shi ai lam hpe mung chye lu ai.

Lahta na gabaw hte kada ai laika gaw dai ni na anhte Myu Wunpawng sha ni a myit kraw kata hta myit yu sawn yu na hte tatut galaw ra sai lam ni rai nga ai . Ndai laika ngau hpe Ndai kaw sa mai hti ai .

NZ Mungdan Auckland mare kaba hta shanu nga ai J.W shani kawn lai wa sai bat manga ya 8/10/2010 hta htung hkring kahkrang buhpun sumraw (fashion show ) hpe Lincon bible church hta ngun mi alu rai kalaw lai wa sai.Ndai lamang hpe Auckland J.W christan hpung kawn woi awn galaw ai alu tam lamang rai nga ai.Tak sawn da ai hta lai jan hkra sayu ngun jaw ai lam na chye lu ai.
NZ mung dan hta j.W sha ni gaw Auckland hte Wellington ginra ni hta sha naw nga ga ai re.

prat dep htung hking buhpun palawng hte Auckland j.W hpaw mi ni

NZ Mung dan a dingda zinglawng (south Island) maga na Christchurch mare kaba hta dai hpawt 4:30 am aten hta 7.1 magnitude ja ai nnang nawn langai nawn mat wa ai, dum nta nkau hte lam ni hten mat ai rai nna yaten du hkra masha 2 hkala nba hkrum ai hta lai na laga si ai lam nnga ai lam shiga dap ni hpe lakap let chye lu ai.
Ndai south island hte ya nnang nawn ai sha hta e anhte J.W sha ni rai n-nga shi ga ai J.W ni malawng gaw north island de nga ai hku re.

Lam a myu myu hte NZ mung dan hta W.P myu sha ni marai 82 nga pra lu ai K.K chyeju hpe sha kawn ai, malawng gaw UNHCR kawn lakap let du ai ni hkrai rai nga ai, matut nna n dai August shata 26,27 hta Malaysia kawn UN hte lakap let hting gaw 6 masha marai 19 bai du jat du jat na re.Myen mung masha yawng gaw marai 153 du na rai nga ai.matut nna dai ning nhtum shi yang W.P hting gaw 10 ram naw du jat na re.

NZ immigration gaw laning mi hta mung kan tsin yam masha marai 750 hpe sha ning shagu hkap la ai lam rai nga ai.tsin yam hku nna du ai ni yawng gaw Auckland refugee camp kaw 6 weeks nga ra ai. 6 weeks lapran hta English ESOL hpe pang hte pang sha rin ya ai.hkum hkrang hkam kaja lam hpe mung tsep kawp jep ya ai hte tsi ni tsi lajang ya ai,mung dan a hkang da ai tara (law) hte seng ai ni sha chyen sha rin ya ai,computer hpaji hpe n tsa lam sharin ya ai,motor car gara hku gau lang ra ai lam n tsa lam sha rin ya ai the san poi awng ai ni hpe learner liciein galaw jaw ai,immigration hku mung masat lakmak galaw ya ai hte ti nang a ding hku dum n ta ma sha ni hpe matut shaga mayu yang lajang ya ai.fire department kaw nna wan hkru yang gara hku safety nga ra ai lam sharing ya ai,(washing machine and dryer)rai hkrut jat hte rai jahkraw jat lang sharing ya ai,(earthquark)n nang nawn nawn yang gara hku nga ra ai gara hku hkyen lajang dara ai lam sharing ya ai,(Humam right)shim gyim a hkaw a hkan the seng ai lam sharing ya ai, traditional and cultural hpe sha chyen ya ai,bank account ni woi hpaw galaw ya ai hte gum hpraw bang ya ai,gat mari sharing ya ai,Dum nta nga yang gara hku (maintain)gawn lajang ra ai lam sha rin ya ai,music show ni woi galaw ai, (beach ) panglai hking gau hkan woi wam ai lu sha ni sa jawm sha ai lam galaw ai.bat 6 hpring ai hpang gaw ti nang a dum nta nnan de shanu nga hpang sai.yawm dik shata 6 gaw volumteer ni hku nna yu lajang ya ai.

Shawng du taw sai an hte a myu w.p sha ni gum gai dingla makaji yawng mung kan a hpaji hpe grai sha kut ai majaw grai kabu ai,du na ni yawng hpe mung hpaji shawng sharin laga,hpaji chye ai hpang she bungli galaw ga ngu gasaw mayu ai.

W.P myu sha ni nga pra taw ai gaw Auckland hte Wellington mare daju sha ra lahkawng kaw rai nga ai.ya dusa wana an hte a myu w.p sha yawng hpe mung hkrun lam a matu kyu hpyi ya ai hte kabu gara let hkap tau hka lum la ga ai.

Dong Hkong Lakang

President of NZKC

0064-4-2355590

00640210642851

New Zealand mungdan Wellington mare hta sha nu nga ai J.W sha ni hku na (WKCF) a Nawku hting nu shara nnan chyeju sha kawn hpawng hpe mani 4.7.2010 laban nhtoi hta North Porirua baptist church Withby hta angwi apyaw hte galaw la lu saga ai.
Ndai chyeju shakawn poi hta Auckland kaw sha nu nga ai J.W sha ni mung ngun myi alu rai sadu gabu chyeju shakawn lawm ma ai . Dai hta sha n-ga du sa ai sha wa masha ni hpe htung hkring kahkrang ,malu masha ni hte hkap hkalum la ai lam mung ga law ga ai. Ndai anhte hpe shara jaw ya ai ndai nawku hpung ni gaw myen mung de mung sasana galaw nga ai ni rai ma ai.
Lai wa sai ten hta gaw dum nta langai hpang langai gayin nawku ga ai re, bat sha gu shna de byan 1:00 kawn hpang ai , madu a ma ni hpe madu amyu ga hpe chye shaga ,tsawra makawp maga chye na matu hte wenyi lam hta grau na su hprang wa lu na matu yaw shada let hpaw nhtan da ai re.
Ya ten hta N.Z mungdan ting J.W sha ni gaw htinggaw 60 jan ram rai sa ga ai re.

Mungkan masha ni a lak lak lai lai rai galaw mayu ai myit ni wa ndai sum la gaw Japan mung hta masha hpe masha galaw da ai jak masha robot wa e hkung ran ya ai lam rai nga ai .
Mungkan hta shawng nnan masha hpe robot hkung ran ya ai lam mung rai nga ai ,sha yan gaw robot galaw sha praw ai hta lakap ai ni mung rai nga ai.

Anhte W.P sha ni a lam hpe myit shang sha ai mai gan shi sumla jaugawng langai gaw shi a shi sum la ni hpe Thai mungdan Bankkok maigan shi jau gawng club hta madun lai wa sai lam chye lu ai.Wunpawng mung dan shanglawt asuya a shamu shamawt ai sumla ni rai nga ai .
Ndai shi jau gawng wa gaw American Mungdan carlifonia mungdaw na re .
Ndai lamang hta shi jaugawng ni madung sayu ai rai nna matut na mung Japan mung dan hta mung matut na madun mat wa na re lam shiga dap ni kawn lakap let chyelu ai.
Anhte amyu ni a lam hpe Mungkan de shabra ya ai lam gaw arawng lahpa langai mung rai nga ai . Hkumtsup hkra ndai kaw hti yu ga.

Ngai chye na ai labau ngu ai gaw madu hkum or madu a makau grup yin hta sha ni sha gu byin nga ai mabyin masa ni hpe nga ai ngu mu mada ai.
Ndai zawn re mabyin masa ni shaning aten ladaw na wa jang labau hku shing nrai mau mwi langai zawn tai wa ai, dai hta labau gaw mabyin ni hpe aten ladaw ,shaning ni hpe atsawm sha ka mazing kem da ai rai nna, sak se nnga ngup hte sha tsun ai hpe gaw maumwi ngu ai rai nga ai.
Gasha dawn anhte w.p sha ni a labau hta anhte gaw jan ga na re,majoi shing ra na yu ai re le ra re ndai re nga na ngup hte tsun galen ai labau ,maumwi ni law law nga ai rai tim masha ni hpe madi madun na sak se hkrak nnga, bai moi na ni tsun ai na ga ai Hkang hte Jing hpaw ni gaw kahpu kanau re nga na tsun ma ai e ndai zawn re sak se madun nlu ai mau mwi ni hpe nkau gaw labau hku na mung chye na ma ai .
Anhte j.w sha ni lai ka hpe lu ai hpang kawn she anhte a labau gaw grau na ngakang grin wa ai hpe mu mada ai,bai maga mi de yu ga nga yang hpun hkan shr nlung hkan tawk ka da ai hte tsun shaga ai ga hte htung hkring ni mung masha a labau hpe madi madun ya lu nga ai.
Anhte j.w sha ni a labau ni hpe yu ga nkau gaw kaja ai nga zawn nkaja ai mung nga ai e.g II mung kan majan ten jiwa ni a share sha gan ai lam gaw mung kan she chyam sai,rai tim ndai labau ni hpe english ni she kem mazing da lu ma ai.1977 ning j.w hkalup hpung gaw jaw poi ngut ai hpang lahkawng brang byin mat ai.1947 ten Aungsan wa a j.w hte myen ni gaw kahpu kanau she re ngu ai ga hpe madat na pyaw ai hte soi nhpe hte nhtu jahpye ya na jing hku shatai la let panglung gasadi tamsat htu sai hku re de a mahtai gaw dai ni mu ai hte maren rai sai.
1962 hta gaw awm dawm shang lawt lu na matu nga na galaw wa ai gaw dai ni du hkra rai sai mhtai kaja gaw npru shi ai ,anhte gaw 1947 ning na panglung ga sadi hpe bai alun ai myen gaw ndai labau ni hpe shamyit ai ahkyak nshatai sai myen mung masha ni ndai labau hpe malap hkra jawng hkan ma ni hpe pyi n sha rin ya sai ndai gaw labau hpe sha myit ai re.
1996 ning Mandalay Aung pyin le kaw anhte manau sha dung hpe wut dek hte hkrak shachyaw yu sai mala jahten kau ya ai putuo lahta dahkum dam ngu ai mare kaw myen nnga ai sha ra kaw gawk ngu sha chyaw da ai kadai hpa ndi ya ai ,mali nmai zup hpe myit sung ,mali hka mahkrai hpe gaw balamyin htin da myit yu hpa re.
1994 ning gap hkat jahkring ai hpang hugawng pa de myen hpyen dap manu mana jat mat wa ai, ye nan (jak sau )htu namatu nga la wu ga na masha majoi htaw bang ai, yuza na company ni lamu ga madu la ya ai mu galaw na masha mun sen htaw bang ai lawu ga na,1952 ning dai gin ra de howa duwa sam mung na j.w sha ni hpe htaw bang ai dai ni du hkra bu ga hpe sin nga ma ai.
Myen gaw hkanti lahta hpakan hte hugawng danai nam yung hpe lahta sagai ginwang nga sha mying ai,ledo lam mayan na mare ni lawa mare kaw na jahtu zup du hkra gaw hpakan nhtawn hta lawm ai, lai wa sai bat hta yangon kaw hpawpoi sha ra mi hta myen du kaba langai tsun ai gaw mungdaw hte nhtawn 15 rai sai nga tun ai lachyum gaw hpakan gaw lahta sagai ginwang kaw lawm ai nga hte maren ledo lam gaw lahta sagai ginwang hta lawm mat na re myit yu na matu re.
Dai majaw labau gaw yu ai pat jamna (mirro) hte bung ai pat sawng kaw nang manisum sai di yang mani sum sai re pru wa ai nying nying sa di galaw yang nying nying rai pru wa ai. Dai majaw nang ngai yawng gaw labau lit lu ai hkrai re nang reng ja kat ai masha tai yang nang akyu hkam sha ai zawn ,na dum nta masha makau grup yin myu hte mung dan mung akyu hkam sha na re tsawm htap ai labau tai lu na re, labau hpe shanut ai ntai ai sha labau hpe satsawm ai ni she anhte tai ga.