Content feed Comments Feed

New Zealand Mungdan hta shanu nga ai J.W Hkristain Nawku Hpung ni a 2 lang na chyum sharin hpawng hte ginlung hkrismat  hpe 24.12.20014 ya kaw na 28.12.2014 du hkra Auckland Muklung Hunua falls shara hta ngwi pyaw awng dang ai hte galaw lalu sai. Ndai sharin hpawng hta J.W Hkalup Hpung ginjaw KBC Amu madu kaba Rev.Dr. Hkalam Sam Sun kaw na kangka sadi dung let hkristu hta kaba rawt wa ga ngu ai gabaw hte sharin achyin ya sai.
             Matut nna ndai sharin hpawng hta Sara Marip La wawm  hpe Hpung up sari ta mara aya dang la sai hte Slg. Lamai Tu Awng , Slg. Singnan Awng Mai hte Sara kaba kareng Naw Tawng (Australia ) ni hpe  Hpung tau sari ta mara aya dang la  sai . Ndai sharin hpawng hta New Zealand J.W hkristain nawku hpung hpung masha ni yawng   KBC ginjaw hte hkridun zinlum sa mat wa na matu myit hkrum daw dan lalu sai.  Sharin hpawng hta du sa ai hpung masha yawng 150 , myit malai hkalup hkam la ai marai 1 re lam chye lu ai.

















Madi shadaw shagrin la ra sai

Posted by nzk Thursday, January 2, 2014

Kabu gara ngwi pyaw sim sa ai ,Padang dip lu ai 2014 sha ning rai u ga yawng hpe shakram dat ai. Lai wa sai 2013 ning gaw anhte J.W myu sha ni a labau hta malap kau nlu ai hpyen wa a tsawdik ning gam hku na gasat shamyit sat nat ai hpe hkrum hkra lai wa sai ndai labau gaw Wunpawng  myu sha ni hta prat tup malap nlu ai labau nan rai  sai.
             Raitim karai kasang a chyeju hte sha anhte grin nga lu ga ai hta sha n-ga Mungkan hta mying pru dan dawng wa lu ga ai. dai ni hpyen wa gaw anhte amyu sha ni hpe hpyen masa ,mung masa ,sut masa ,katsi majan masing ni hpe tau hkrau hkyen lajang tawn let gasat nga ai ten re. Dai ni hpyen wa a mahkam hpe dang kau lu na lam gaw anhte myu sha ni a gahkyin gumdin lam  rai nga ai. Jinghpaw ga malai hta marai masum myit hkrum yang panglai nawng pyi dang htawk ai .  Anhte ra ai hpe hpyen wa kaw na hpyi la ai hku nre sha anhte a atsuya hpe anhte nan madi shadaw shagrin la ra ai , hpyen wa gaw anhte ra ai mahtai jaw na lam nmu ai.
                       Dai majaw KIO gaw anhte myu sha ni a asuya re hpe anhte w.p myu sha ni yawng madi shadaw sha grin la ra sai, KIO kaw na ga law ai magam bung li ma hkra hpe madi shadaw shang lawm ra ai, KIO mung Mung masha ni kamhpa ging ai asuya sari sadang hte hpring tsup ai asuya tai wa ra ai, kadai mi jaw jaw  n-jaw  jaw ahkyak nre mungdan asuya langai hku na galaw ra ai bung li ni, magam dap ni hpe hapw jat sa mat wa ra sai. Anhte a asuya hpe anhte ahkun hkanse mung jaw bang chye ra ai. Myen  kaw na gaw anhte ra ai mahtai hpe hpyi na  prat tup la na nre.
              Dai majaw dai ni  anhte a ra sharawng ai shadip jahpang ahkaw ahkng hpe Wungpawng myu sha ni yawng karai kasang
a mying ning sang hta myit hkrum gahkin gum ding let Wunpawng Mungdan asuya hpe madi shadaw shagrin lamat wa saga law.
   

A rawng la sha grau dat ga ai

Posted by nzk Sunday, September 29, 2013

       NZ Mungdan Auckland mare hta shanu nga ai shayi Chang Myaw kawn 
Bachelor of Business (finance)  janmau hpe gup la lu sai lam na chye lu ai hte anhte NZ J.W myu sha ni  yawng mung arawng la hkung ga sha grau dat ga ai.



Majan tsinyam 2 Ning hpring chyeju shakawn hpawng galaw

Posted by nzk Sunday, June 9, 2013

NZ Mung dan du jinghpaw W.P myu sha ni kawn majan tsin yam 2 ning hpring chyeju shakawn hpawng hpe kabu gara hte galaw lu saga ai, ndai chyeju shakawn hpawng hpe Auckland J.W Nawku hpung hte Wellington J.W Nawku hpung 2 hta galaw ai lam chye lu ai.

Aucland J.W hpung masha ni
Wellington J.W hpung masha ni

53 Lang na Rawt Malan Masat Nhtoi

Posted by nzk Wednesday, February 6, 2013

New Zealand du J.W Myu sha ni kawn 52 Nig hpring 53 Lang na Shang Lawt Rawt Malan Masat nhtoi hpe 5.2.2013 ya sha na de 7:00 pm hta Wellington muklung  porirua mare kaw galaw lai wa sai. Ndai lamang hpe Wellington kachin community kawn woi awn galaw ai rai nna  masha yawng 30 jan sadu shang lawm let awng dang ai hte galaw lu sai.

(Wellington Kachin community Ningbaw Slg. Zinghkang Naw Sut kawn Lamang hpe woi awn)

KIO Ningbaw kaba  a Rawt malan Mungga hti nga yang
Slg. HpungIng Naw WKC N/T amumadu

Nawku ganawn mazum hpawng galaw

Posted by nzk Sunday, January 6, 2013

NZ Mungdan  Wellington Porirua  kaw sha nu nga ai J.W sha ni kawn North porirua hkalup Nawku hpung masha ni hte 6.1.2013 laban hta nawku ganaw mazum hpawng hpe jawm galaw lai wa sai. Ndai Nawku hpawng hta Jinghpaw mung na du sa ai Rev.Dr Maran Ja Gun Kaw na karai Mung Ga hte ngun jaw la sai. Ndai Naw ku hpung gaw Wellington kaw nga ai J.W sha ni Nawku daw jau na shara ni hpe jaw ya let lam shagu hta garum la ai Nawku hpung mung rai nga ai.

Karai Mungga hte shadum jahprang nga ai Sara kaba Dr Maran Ja Gun


Nawku dawjau Mahkawn shakawn woi nga ai Wellington J.W Ramma ni


   NZ du J.W Hkristan hpung masha ni a shawng na lang na chyum sharin hpawng hte hkrismat hpe 22-26 .12.2012 du hkra Foxton Bible camp hta awngdang ai hte galaw la lu sai.
     Ndai sharin hpawng hta Rev. Dr Maran JaGun kawn makam masham hte htung hking ngu ai ga baw hte sharin ya sai, matut na Australia na du sa ai hpajidu usa sara kaba Kareng Naw Tawng  kawn mung makam masham amyu sha hte laili laika ngu ai ga baw hte sharin ya sai.Hkrisatu a sape majing tai na matu marai 4 mung myit malai hkalup hkam la sai. Ndai sharin hpawng hta Australia na j.w myu sha nkau ni mung sadu shang lawm wa sai hte sadu sharin hkam la ai masha yawng 98 tup re lam chye lu ai.


NZ du W.P sha ni a tsaw ra myit

Posted by nzk Sunday, October 21, 2012


NZ du J.W sha ni hta na shawng nnan janmau gup

Posted by nzk Thursday, September 27, 2012

New Zealand Mungdan Auckalnd Muk Lung hta shanu nga ai Shayi Sumlut Htoi Ja gaw 19.9.2012 ya sha ni Bachelor of Nursing janmau hpe ningtawn ai hte gup lalu sai lam chye lu ai. Shi gaw NZ du Jinghpaw Wunpawng myu sha ni hta na No 1 shawng janmau gup ai shayi sha mung re.Ya na zawn hpaji jan mau hpe ningtawn ai hte hkam la lu ai sha yi sha hpe mung arawng la hkung ga sha grau dat ga ai law.

 

    New Zealand Mungdan kaw nga ai J.W myu sha ni kawn  Kanu Wunpawng mung dan hta byin hkrum nga ai hpyen yen tsinyam Myu Wunpawng sha ni hpe garum madi shadaw lu na matu yaw shada let fundraising alu tam ai lamang  hpe New Zealand kachin community  kawn woi awn let 7.7.2012 ya hta ngwi pyaw awng dang ai hte galaw la lu sai. Ndai lamang hta local mayor , partner relief development kaw na myit su ni  hte laga community kaw na myit su kanu kawa 300 ram sadu ngun jaw wa sai. sadu ai sha wa masha ni hpe htung hkring kahkrang  malu masha ni hte dawjaw atsam madun lai wa sai.

J.W sha ni sha nu nga ai Wellington porirua Mayor kawn ngun jaw ga tsun nga yang







Matut mahkai mayu yang

Dau Hkawng 0064-06 3683872 h/p 0210642851 donghkong@gmail.com