Content feed Comments Feed

Kabu gara ai christmas ten rai u ga

Posted by nzk Monday, November 30, 2009


Masha ni anhte hpe shut ai mara ahte raw kau ya ai zawn anhte a mara hpe mung raw kau ya et law ;




Christmas ten hta yawng ngwi pyaw nga mu ga hte , yawng a myirt krawng lawang hta dai hkye la mdu hpe hkap tau shara jaw la ga.

Yawn Hken Shiga

Posted by nzk Thursday, November 26, 2009


Myitkyitna Mare Njang kawng (Thida lawk) kaw nga ai Kawa Salang Labya Tang ( U Sein Cho, n-nga mat sai ) hte Kanu Maran Hawn Pan Yan a shadang sha alat Shadang Labya Aung Mai Lat asak (17 ) Ning gaw lai wa sai 14.11.2009 bat kru ya shana 9:30 pm ten ram hta nta lakang ntsa kawn ginsup gumhtawn shut ai a marang e shi a baw kaw ningma kaba byin hkrum n-na ndum ndam rai tsi rung kaw du mat ai.
Tsi rung kaw shi hpe atsam htum hkra tsi lajng yu tim nlu mat ai majaw 24.11.2009 shana 10:pm ram hta Auckland tsirung kaba kaw n-nga mat wa sai re. Ndai ma Aung Mai Lat gaw ndai New Zealand Mungdan Auckland mare hta shi a kanu ji sara num Maran Roi Ja hte rau nga let Collage madang hta hpaji sharin nga ai wa re, shi gaw Gawdin ginsup ai lam hta grai ram ai hte nawku hpung kata hta mung dawraw dum let grai ap nawng ai shadang sha langai mung re.
Ndai zawn yawn hkyen hkrum ai lam a ntsa anhte NZ du J.W sha ni hte shi a manaw manag ni yawng mung shi a Kanu, kanau jinghku jinang yu ni hte rau grai yawn hkyen hkam sha lawm ga ai. Shi a moi mang hpe 27.11.2009 ya shani hta Auckalnd Swanson christan lup ding lup wa hta makoi mayang nalam hpe chyelu ga ai.

Tinang Lu Ai Laknak Hte

Posted by nzk Thursday, November 19, 2009

Ya hte blog hte tsan ai grai na mat sai laika ka na ngu gaw myit ai gara kaw na ka na re mung nchye rai myit ni mung le du nang du rai mahtang gaw NZ ga ginhtawng ta rai wa na le myit ni mung hkun hkraw nga ai.
Um ka na gaw rai sa shiga nga yang mung nrai,sumla hkrung hte yungwi nga yang mung masha ni she kataw ai rai,softwaer lagu ladat aw nre tam mara yana nga yang mung computer dai ram nchye,laika ngau ka ga nga yang mung manang ni hpe shatan ai zawn bai tai.

Hpa mi rai tim kalang galaw ai bung li gaw tang du hkra galaw ra ai hku re nchye nkaw le ra kaw na copy ndai kaw na copy rai na galaw sha nga ai mi rai tim ndai blog kaw na lama mi sha gaw akyu jaw na re ngu mung kam nga ai,dai hta sha n-ga NZ kaw J.W shani nga nga ga ai ngu ai hte shada mung grau na matut mahkai lu na myit mada ai sha n-ga anhte a laika hku kada ai web langai jat ai mung rai madu a laka ni hpe manu shadan ai lam mung re.

Dai ni anhte J.W sha ni laika ka ai lam hta n-gun grai naw yawm nga ga ai,gashadawn blog zawn re hte laga laika buk ni kasha praw ai lam hta grai naw gawng kya ai hpe mu mada ai dai majaw hpami rai tim madu lu ai atsam hpe masha ni hpe garan jaw ga W.P blog ni hti dang sha naw re madu kada ai blog ni hpe mung ndau shabra ga ,kagaw kamyu gara hku blog hpe ka na nchye yang garum ya na hpaji jaw ya na W.P computer ning hkring ni nga ai san la ga.Tinang lu ai atsam hpaji hpe laknak hku na jai lang ga ngu gasaw ngun jaw dat ai.
Lahta na gabaw gaw ngai hti hkrup ai laika ngau kaw na re nhti lu shi ai ni,nmu hkrup shi ai ni a matu ndai kaw hti la ga.


MANU

Posted by nzk Thursday, November 5, 2009


Manu dan tsawm htap ai W.P Mungdan Hpan wa sagya e anhte hpe ap ya.

Ndut ndang hkawm sa mai, wanglu wang lawng tsun shaga lu,
kade npu e ntaw, kadai mung nlu up sha, Du magam
lai hte up hakng lai wa.

Mung maden English hte Japan hpyen ni du shang wa
lu ai atsam htum hkra hte hkap gasat , Mungkan she gari lai wa
Arawng la hpa Jiwa ni a Mungtsaw myu tsaw, share shagan myit ni wa.

Mung kan a sat lawat ni galai shai wa..Roi sai htung hkring
nbung ai Myen wa a ga madat pyaw, munghpawm gawde na nga gadawng bang
MUNG DAW ngu ai de daw dan hkam la.

Dip da ai hpe nra AWMDAWM SHANG LAWT lu hkra nga bai
rawt malan hpang ai 1962 ning.

1975 ning du Ning mu nbung,masa nbung ai a marang MADU UPHKANG MUNGDAW
madang de bai hting nut.

Mung masa lam hpe shatku ntsa hparan lana nga myit, sanat mahku hpe shazim
da 1994. Lak lai ai lam mi nnga W.P ginra Myen hpyen dap chyu
jat wa.

2009 ning bai du wa tara nlang sadi ndung Myen hpyen wa a daw dan
dat ya ai gaw JARIT SIN DAP da lu oi ?????
Kaja wa teng teng anhte wa jarit sin na madang sha wa rai sai kun?
Myit yu hpa............Myit yu hpa............







Ganawn mazum hpawng sa ga ai

Posted by nzk Sunday, October 25, 2009

Lai wa sai bat gaw anhte Wellington kaw nga ai Jinghpaw wunpawng shani hpe Godspel chapel nawku hpung na ni fellowship saw shaga ai majaw anhte mu nga ai hte yan sa let wunpawng yungwi nsen ni hte sa shang lawm saga ai, bai nna anhte wunpawng myu shani a lam hte anhte a buga ginra ni a lam hpe sumla ni hte sanglang dan ai lam ni galaw ga ai, shan hte hku na anhte a htung hkring yungwi nsen ni hpe grai myit shang sha ai hte anhte mung aw le le aw le le nga ai wunpawng tone hpe sharin ya let shada hku hkau ganawn mazum ai lam hpe galaw lu ga ai.



shayi sha Lahpai ja Seng Aung mung ndai zawn solo hte shakawn lawm

Aw le le Aw le le mahkawn hpe rau sha jawm mahkawn kamanawt





Saw shaga lai ka

Posted by nzk Friday, October 16, 2009

Hting bu Mungdan Australia kaw shanu nga ai J.W sha ni a shawng n-nan lang na ginlung Christmas hpe lawu na hte ma ren galaw na lam shana dat ma ai lu sa ai ni gaw npu na hkring dat hte matut mahkai la ga.

De,

Du na ra ai December shata 27 (Laban) hte 28 (bat langai) ya kaw galaw na "1st combined Wunpawng fellowship" hte Wunpawng Christmas hkrum zup hpawng (Camp) hpe Sydney ginwang kaw galaw na nga masat da sai hpe, hawp myitsu salang hte jan, shayi, shadang ni yawng hpe shana mayu ai law. Melbourne kaw na sa du lawm na Wupawng Jinghpaw ji a pan, ni yawng 30 hte 40 lapran daram rawt sa wa na nga hpe mung chye la lu sa ga ai.

Sydney kaw shanu nga ai Wunpawng amyu ni sha n-ga, laga buga hkan na Wunpawng ni yawng hpe mung shang lawm ga ngu a ja a wa saw shaga dat ga n-ngai. Lu shang lawm na a mying ja hpan hpe mung ya kaw na hta da mayu ai majaw, chyeju hte bai shana ya rit ngu yawng hpe a-kroi a-noi sha na dat ga ai.

Camp shara : Sydney Ginwan (bai shana wa na)
Manam shara (accommodation) : lodge, hostel, hall, tent
Costs : Approximately $60- $70 per adult & Family rate (bai shana wa na),
Date : December 27th & 28th (may be half-day 29th)

kachin.aus@gmail.com

Ja Yung
(+61) 430-352814
(+61) 2- 97447277




MADI SHADAW GA

Posted by nzk Sunday, August 30, 2009


Mung kan shara shagu hta shanu nga ai tsaw ra ai J.W sha myit rum manaw manang ni e dai ni nang ngai yawng na chye sai hte maren Myen tai hpyen ni gaw anhte amyu kaji ni hpe hpa n-sawn n-nawn ai sha shahte a myu kaba lai hte shamyit shatsai kau na matu tsep kawp lam hte lam tau hkrau hkyen lajang let masing hte hkrak galaw nga ai hpe gaw nang ngai yawng tsun nra chye na chyalu rai sai.

Dai majaw dai ni byin nga ai masa lam hta nang ngai myit mang shabawn let lahkrip ra ra rau tahkin dun let du ai shara kawn lu ai atsam marai htum hkra hte anhte a amyu Mungdan a matu shanglawm ga ngu gasaw dat ai law. An hte a gammaka hpe anhte nan hparan la ra nga ga ai gadai amyu ni ,gadai mungdan ni mung anhte a gammaka hpe hparan ya lu na nre , gadai hpe mung mai kam na nre , nang ngai byin mayu ai gaw nang ngai tatut galaw yang sha aung dang ai lam hpe hkam la lu na sha re.


Lai wa sai a hkyin aten ni hta na shut lai wa sai KIA /O ni a ra rawng gawng kya ai lam ni hpe n htai lai ai sha ya hkyak hkyak a matu an hte hkyen ga, awra wuhpung law ndai wuhpung law nga na htai lai na ten nrai sai ,gara wa mung wunpawng myu shani a matu nga na galaw nga ai hkrai re ai majaw anhte a hpyen majing gaw myen tai hpyen she re, KIA/NDAK/KDA/KNO /lasang Aungwa ni gaw anhte a hpyen ni nre dai majaw wuhpung shagu mung wunpawng myushani hpe shadip jahpang ahkaw ahkng hte hpring tsup ai Mungdan hpe woi gawde sawa lu na re hpe anhte ni kamhpa nga ga ai. Dai majaw anhte a ningbaw ni hpe anhte madi shadaw ga ahte a wuhpung wuhpawng hpe anhte madi shadaw ga, laga amyu ni hpe gaw masa lam hku na ganawn tim myit masin gaw nmai gayau ai, myen tai hpyen ni hpe gaw A kawn Z du hkra tsep kawp nmai kam ai lam hpe gaw lai wa sai labau hte dai ni du hkra tatut nan rai nga ai hpe yawng dum chye ga.


Dai hte maren dai ni tsaw ra ai NZ mung dan hta sha nu nga ai J.W sai daw sai chyen yawng hpe mung matut na bai shana dat ai anhte a masing masa ni hpe tatut hkrang shapraw sawa na matu seng ang ai NZKC ning baw ni hte matut mahkai jahkrup sawa ga , nang lu ai atsam hte ja gum hpraw ni hpe majoi n shama kau ai sha anhte a Mungdan amyu shani a matu jai lang akyu jashawn sa wa ga ngu htet shana dait ai law.


Yesu anhte hpe sharin ya ai hta makam masham hta tatut bung li lawm ra ai lam sharin ya sai,dai majaw karai kasang hta manoi manat kamsham let tatut hkrang shapraw sa wa ga ngu yawng hte hpe gasaw dat ai law.


Wunpawng Mungdan hte Wunpawng myu shani a ntsa hpan wa karai tut bau sin makawp maga shaman ya nga u ga.


Slg.Lakang Dau Hkawng

President of New Zealand Kachin Community




N Z du J.w sha ni a hpaji masa

Posted by nzk Sunday, August 2, 2009

Ndai hpawmi yan gaw N.Z kaw du ai J.W sak kung nu num ni hta na shawng nnan shagrau lekmat National certificate of hosipitality hpe hkam la lu ai yan re.

shan yan gaw NZ kaw du ai 2 ning jan sha naw rai ma ai rai tim ya na zawn asak gaba tim myit n-shayawm ai sha shakut shaja lu ai gaw grai nan arawng la hpa rai nga ai.

Maga mi de bai yu ga nga yang dai ni NZ kaw du ai ahte J.w sha ni gaw hpaji shakut ai lam hta laga myen mung masha ni hte tsa lam shadang shing daw yu yang No 1 re ngu mu mada ai hpa majaw nga yang anhte ni masha jahpan kachyi sha naw re.

Ya ten hta nz kaw du nga ai J.W sha ni hta bachelor of nursing hpe sharin nga ai numsha lahkawng, engineering numsha langai , electrical engineering sharin nga ai lasha lahkawng re. Sak naw ram ai ramma ni malawng mung college madang kaw hpaji sharin nga ai hkrai re, NZ mung dan gaw hpaji sharin la na matu gra htap htuk ai mungdan langai mung rai nga ai.





Goodbye Michale Jackson

Posted by nzk Friday, June 26, 2009


Mung kan hta mying gum hkawng dik ai pop yu ngwi ning hkring ga ba Michale Jackson gaw salum ana hte dai ni 10 :10 am (nz ten ) hta LosAngeles mare UCLA tsi rung hta nnga mat sai lam shiga dap ni kawn lakap let chye lu ai.

World refugee day hta shang lawm

Posted by nzk Monday, June 22, 2009

Auckland kaw sha nu nga ai J.W sha ni kawn 20/6/2009 shani ga law ai mung kan a tsin yam masat nhtoi (world refugee day ) hta madu a htung hkring yu ngwi mahkawn hte shang lawm ai lam chye lu ai.








J.W myusha myit masa

Posted by nzk Friday, June 19, 2009


Ndai mung kan gaw masha nlaw ai ni gaw law ai ni hpe dang sha ,chyoi chyang ai ni gaw nkung nkayang ai ni hpe mawp lu mawksha, ngun ja ai ni gaw gawng kya ai ni hpe dip gamyet sha rai nang shoi nangsha nga na nru nra shanut shanat re mung kan re.

Ndai zawn re sat lawat ni gaw moi chyloi nhkoi kawn mung kan a labau hta ban hte ban yu ginlen hkrat wa ai gaw di ni du hkra re.Dai ni na ten grai gaja ai shing gyim ahkaw ahkang hpring tsup ai ngu ai sinna mung dan atsuya ni hta pyi ndai zawn re sat lawat ni gaw nga ai hku re. Rai tim shan hte a zai ladat ni gaw grai si mani ai ladat she lang ma ai E.g shing gyim ahkaw ahkang hpring hkra jaw da ai , ndai zawn re lam ni hta dai mung dan kaw nga ai myu kaji ni gaw pyaw dum mat ma ai . E.g NZ mung dan hta lamuga madu tai ai moari ni gaw shan hte ni a mung dan hpe ndai zawn re si mani ai zai ladat hte shamyit ai katut sha ma ai.

Dia ni na anhte J.W sha ni gaw myen wa e mazut ai ladat hte dip sha ,dang sha ai majaw sha anhte a myit ni gaw lawt mayu ga ai ,dai pyi naw dai ni na anhte a J.W wupung wuhpawng kata hta masha nkau gaw Myen wa jaw da ai kaw anhte nga ai zawn nawn ,myen hpe she madu zawn nawn na anhte gaw manam she shadu manam zawn re myit jasat ni she rawng wa ga ai.Dai majaw ngai hkam la mu mada ai J.W myu sha myit masa gaw lawu na hte maren re...

(1) Anhte ni gaw myen mung kata na tayin ta kachin lumyu ni nre ,JINGHPAW WUNPAWNG MYUSHA she rai ga ai .

(2) Anhte ni gaw madu she re manam nre ga ai.

(3) Ahte gaw mungdan lu na matu gasat ai ni nre ,anhte a mungdan hpe sa up sha ai mung maden hpyen hpe gasat ai ni she re.

Lahta na ngai hkam la ai lam gaw ladu shalai ai myutsaw myit masa gaw nrai nhten?dai ni na ten anhte a lawt lam hpe lu la na matu gaw ndai zawn re myit jasat ni rawng ra ai hpe tang madun dat nngai law.



JIN JIN RAI NGA GA

Posted by nzk Friday, May 29, 2009






A MYU HTE MUNG DAN A MATU
DE,

NZ mung dan du a myu W.P sha ni yawng hpe jin jin hkyen magang na matu sha na dat ai . An hte W.P mung dan a mung masa lam gaw nang ngai chye taw sai hte ma ren,an hte NZ mung dan du nang ngai yawng ti nang a kanu mung dan hpe woi awn tsap nga ai KIA gaw gap na matu myit daw dan let sha jin sai lam hpe sha na dat ai.majan byin wa ai hte rau machyi makaw si hkrun si htan a matu nang ngai dang di dang dep ai ram tsi mawan a matu gabaw shaw let hting gaw mi htam shi kaw na htam mi garum mat na matu yawng hpe saw lajin dat ai.lai wa sai aten hta KIA a gawng kya ai lam ni hpe mung x,tu a tsaw ra myit hte nang ngai chye na ya ai hte mara raw hkat ga. An hte amyu W.P sha ni hpe tsaw ra let shawng lam hta tinang a a sak hpe daw jau up nawng let shakut na myu tsaw mung tsaw ning hkring ni hpe an hte shakawn shagrau garum madi sha daw ga. a hkyin aten naw nga yang myu tsaw mung tsaw myit ning nan hte bai jawm sha kut sa ga. majan bai byin, sanat mahku kapaw hpang ai hte rau an hte kalang ta lu garum hkra sha jin magang na matu hkyen lajang da ga.a sak 18 ning lahta yawng passport hpe mung lajang da ga.kyu hpyi n gun la let gwi gwi hte shawng lam de la hkam sa ga.


Slg.Dau Hkawng
President of NZKC

Masha nnan hkap tau la ai lam

Posted by nzk Monday, May 18, 2009

Mani gawlaban nawku kyu hpyi hpawng hte hpawn Malysia mungdan na du shang wa ai jinghpaw wunpawng myu sha ni hpe hkap tau hkalum la ga ai yawng marai 11 rai ma ai rai nna tsin yam hku du shang wa ai ni hkrai re.

NZ de tsinyam hku du shang wa ai masha ni hpe immigration camp hta laban bat 6 tup hkam jalam jep ai lam ni , nz mung dan a lamni ,upadi ni hte english laika hte motor car licence zawn re ni hpe mung lajang ya ma ai ,dai hpang she madu nga na dum nta de bai saya ai hku re.




Ndai zawn malu masha ni hte







NU A TSAW MYIT

Posted by nzk Saturday, May 9, 2009

Mung kan ntsa Nu a tsaw myit ni wa,
lamu na shagan pang lai na zaibru hte shadawn n dang .

Shata jahku tup hkum gawng li shangai chying hkai
ten du shing gyim hkum shan machyi,
sai tum sai pa she gabrat, gade machyi tim wa she wutik hkra shi sharang ,
ma a myi man hpe shi mu lu , hkum shan machyi ai lam shi malap,
Nu a myi man lamu na shata zawn htoi kabrim,
shi a myit hta gaw shangai shaprat ai lam hta nmai shayawm ai
W.P myu sha ni law htam ra ai da ,dam lada la ai NUa myit jasat ni wa.

Machyi makaw hkrum wa yang Nu sha ni si htum nmai ,hten za nmai
nga shani shana shi gawn la jang.

Makam lam hta kri dung u ga nga, Hpan wa karai hte
shi shachyen ya.

Lai ka hpaji lam hta hpang hkrat nmai , hparat hta mung kung kyang
wa mu ga nga laika jawng de shi nan woi sa.

Amyu htung hkring labau ni nchye nmai nga sha na shagu
shi sharin ya.
Ding hku kata aput apai n nga sha WA a ningrum ning tau
kaja mung shi tai ya.

Ya asak kaba kung kyang wa Nu a lahpyen hpe an nau ni
kau da sumtsaw sumtsan mai gan ga de she du a yai
marit la ai Nu a lahpyen.

Nu a matsun maroi num htet ga ni ngai n sha na hta
tut malap n mai ,
Kaning re kaw mi du tim hpan karai hpe hkum malap da.
Nan nau ni sha da myit hkrum tsaw ra lam ni hkum di mat da.
Wun pawng mungdan Uma ga hpe hkum malap, Uma ga gaw
nan nau ni hpe langa ai da.

Nu e myit n su la ai an nau ni hpe naw hta rit , naw sharin
shaga la rit.

Mung kan a hpaji hparat , jasut gan tam hkawm ai an nau ni
bai wa na, Nu a salat myi prwi hpe wa katsut ya na yaw
hkum hkrap sanu Nu e.....





Lak san Alu tam lamang

Posted by nzk Monday, April 27, 2009

Auckalnd mare hta shanu nga ai Myen mung masha ni gaw maning Myen mung hta byin lai wa sai laru tsin yam a matu alak mi alu tam ai lam hpe galaw wa sai lam chye lu ai. Ndai lamang hpe Myenmung christan ganawn mazum hpung MCF (Auckalnd) kawn woi awn galaw ai lam chye lu ai.

Ndai lamang hpe Myen mung baw sang ni shang lawm ai htung hkring ka hkrang ni hte Myen mung na malu masha ni hpe dut let alu tam ai hku re anhte Jing hpaw ni mung htung hkring ka hkrang hte shang lawm sa ga ai. Sadu ngun jaw ai masha gaw tak sawn da ai hte jan hkra re ma jaw lek mat nlaw mat ai lam chye lu ai,MCF (Auckland ) ni hpe nawku jawng shara jaw ya ai ndai naw ku hpung gaw Myen mung kaw mung sasana galaw nga ai re lam chye lu ai.













"SADI " TSUNAMI BAI DU NA DA

Posted by nzk Sunday, April 26, 2009

Hkrit tsang hpa tsunami bai du na da law gara hte ngu ai gaw npu na sum la hte maren rai nga ai pang lai hking gau de nau shani na mi ntai ai ri ai ngai gaw grai hkrit tsang ai hku re hpa majaw nga yang NZ gaw pang lai kata kaw rai nga ai hpa mi rai rai ndai ding hta nga yawng ding hta hpe hpan da ai gaw karai kasang re majaw kyuhpyi myit dum ga ngu gasaw mayu ai.

(Manang langai Email hte saya ai hpe bai sha bra ya ai re)




“Hello there. I just wanted 2 let you know that please stay away from the beaches all around in the month of July. There is a prediction that there will be another tsunami hitting on July 22nd. It is also when there will be sun eclipse. Predicted that it is going 2 be really bad and countries like Malaysia (Sabah & Sarawak), Singapore, Maldives, Australia, Mauritius, Si Lanka, India, Indonesia, Philippines are going 2 be badly hit. Please try and stay away from the beaches in July. Better 2 be safe than sorry. Please pass the word around. Please also pray for all beings.”


NZ kachin Blog shangai dai daw ai laning mi hpring sai

Posted by nzk Saturday, April 18, 2009

Ndum shani sha naw nga yang NZ Kachin ngu ai shing teng amying hte blog hpe gyin shalat ka mara hpang ai laning mi ladu hkrum sai hku re.Chye chyang la na blog hpe ka ai mung nrai n-ngai dai ni na ten hta ra nga ai hta hkan na ntai nmai nkung nkyang tim lu ai atsam hte shakut shaja nga ai hku re.Dai majaw ladu hkrum chye ju shakawn ai lam hpe lawu na hte maren galaw dat sai .

Shawng n-nan ndai ding hta mungkan ntsa hta JINGHPAW WUNPAWNG ngu ai shing teng amying hpe jaw ya let gum rin gumrat gan ga sa wa na matu hpan da ya sai hpan wa sagya chye wa ning chyang karai wa a chye ju hpe na chying shakawn n-ngai.

Ndai Mungkan ntsa hta JINGHPAW WUNPAWNG amyu sha langai tai lu ai majaw na chying wa arawng la n-ngai.

Nhkrak tim myit galu hte NZ Kachin blog hpe sa hti sachyai ai tsaw ra ai JINGHPAW WUNPAWNG myusha ji nban yawng hte hpe grai chyeju dum ga ai .

Nchye nchyang yak hkak ai ten hta myit galu hte garum hpaji jaw la ai kachin bloggers help desk Hkau shanghtin Seng ja ,Hkau shang lawt hte tsaw ra ai nlaw shi ai jinghpaw wunpawng blogger myit rum manaw manang ni yawng hpe nachying wa chye judum n ngai. Matut na mung ndai NZ kachin blog hpe ngun jaw la marit,hpaji jaw la marit ngu tsawra ai JINGHPAW WUNPAWNG amyu sha ni yawng hpe gasaw dat n-ngai law.





Lahkawng lang na NZKC hpawng

Posted by nzk Monday, April 6, 2009

NZ mungdan du J.W sha nkau mi

2009 Ning Lahkawng lang na NZKC a hkrum zup hpawng hpe 5.6.2009 lanban ya sha ni Auckland mare hta atsawm sha galaw la lu sai . Ndai lamamng hta Malaysia kawn dushang wa ai masha nnan ni hpe hkap tau la ai hte hpawn NZKC a amumadu nnan hpe mung lata san la lu sai .Amumadu slg. Lanan Hkun Aung a shara hta amumadu nnan hku na shadang Marip Seng Li hpe lata san da sai.

NZKC gaw NZ Mungdan hta sha nu nga ai J.W sha ni shada myit hkrum makyit mahkai pawn ba hkat lu na matu hte amyu htung hkring laili laika ni hpe makawp maga na matu yawsha da let hpaw nhtan da ai rai nga ai. Ya ten hta NZ kaw shanu nga ai J.W shani gaw Wellington hte Auckland Mare gaba ni hta shanu nga ga ai Law malawng gaw jawng lung ai ni hkrai rai nga ai.





Cultural festival

Posted by nzk Monday, March 30, 2009

New Zealand Mungdan Auckland kaw shanu nga ai J.W sha ni gaw lai wa sai bat kru ya hta National cultural festival lamang hta madu a htung hkring ka hkrang ni hte hkrak rai shang lawm lai wa sai lam chye lu ai ,ndai zawn re lamang ni hpe Mungdan ting hta shaning shagu galaw ai lam rai n-na NZ Mungdan ting hta sha nu nga ai amyu bawsang lakung shagu shang lawm ai mung rai nga ai.



WE ARE KACHIN

Posted by nzk Thursday, March 5, 2009


KNG kaw mara da ai laika Ngau langai hpe lu hti na grai myit npyaw ai lam hkam sha ai,moi naw kaji yang MyiHtoi Ma magazen kaw mu hti yu ga ai WUNPAWNG MYUSHA NI MYIT HKRUM AI SHA NI nga ai re dai ten hta dai MyiHtoi ga hpe myit nhkawn lu tim dai ni gaw dai ga ni hpe bai myit hkawn wa ai.

Ngai chye na ai gaw KACHIN ngu ai gaw Myenmung, Kala Mung , Miwa mung hte laga Mung kan jut shagu hta shanu nga ai myusha ni yawng lawm ai ngu hkam la ai hpa majaw nga yang anhte amyu ni gaw tsun shaga ai ga hte htung hkring roisai bung ai ni rai ga ai yawng gaw chyu rum ai ni re pu gang sin machyi ni rai ga ai.

Dai rai yang dai ni dai mungdan masum hta shanu nga ai anhte myu shani wa shada myit hkrum gahkyin gum din ai sha ni gaw gadai amyu ni wa anhte amyu ni hpe roi sha dang sha lu na rai sata. Ndai myit htoi ga gaw lani myi hta dik wa na re ngu kam nga ai dik wa lu hkra mung shakut shaja ra ga ai law.



Kala Mung nga Singpho myusha ni a mabyin hte shawnglam
Written by Theodendron (A.M)
Masum Ya, 04 Maga Ta - Hkru Ta [March] 2009 10:13
Anhte Chyurum ai Jinghpaw Wunpawng myusha ni wa: Kala mung, Miwa (Hkye) mung hte Myen (Man) mung ni hta tinang a lamu ga hta tinang nga rai nna, nga pra nga ai hte maren Chyurum ai Jinghpaw (Singpho) myusha ni gaw Kala mung a Assam Mungdaw hte Arunachal Pradesh Mungdaw hta Tarung Hkawng, Namhpuk Hkawng (Assam) Tenang Hkawng hte Diyun Hkawng (Arunachal) nga nna, lamu ga shara garan let nga pra nga ma ai.

Kala mung na Singpho (Jinghpaw) shayi ni 'Shapawng Yawng Manau Poi' hta shang lawm nga yang.

Kala mung na Singpho (Jinghpaw) shayi ni 'Shapawng Yawng Manau Poi' hta shang lawm nga yang.
Anhte myusha ni, Kala mung hta nga ai shaning tsa lam kahtap mat wa ai hte maren, Kala myusha ni a htung lai, ga mung ram ram wa kayau mat wa nga sai; rai timung shaga ai ga mahku n’sen ni gaw Kanu Jinghpaw mungdan, Putau, Machyangbaw ginra na “Duleng ga,” “Malihkrang Walawng grupyin ni hta shaga lang nga ai ga mahku n’sen,” hte “Hugawng ga mahku n’sen” ni hte raw hkrak rai nga ai law.

Dai ni ahkyak madung gaw, Kala mung nga Chyurum Singpho myusha ni hta Jinghpaw (Singpho) laika nga nna hkrak rai n lu jai lang shi nga ma ai. Raitim, ya dai ni Arunachal shara ram ram hkan gaw Singpho Development Society hku nna woi ningshawn shaw let Singpho lik hpe ram ram wa jai lang nga masai hpe mu lu nga ai. Sha n-ga, Assam mungdaw shara nkau ni hkan mung Singpho lik (Ola Hanson gin shalat da ai laika kanu) hpe sharin achyin lang hpang nga masai.

Anhte Chyurum Jinghpaw myusha ni yawng, nga ai mungdan n bung tim, asak sai lam snr shaga lang ai laika,htunghking langai sha rai nga ga ai rai yang gaw, jasam masha ni kade law ai a lapran e nga tim n mat na re. Ya na zawn, Kala mung nga Chyurum Jinghpaw (Singpho) myusha ni wa; “endangered languages or tribe” (mat magang nga sai Jinghpaw (Singpho) myusha ni, shanhte a shaga lang ai ‘ga’ hte htung lailen ni nga” nna masat hkrum nga sai hpe Dr.Stephen Morey a laika buk hta mu lu ai lam gaw n teng, n grin wa na re. Hpa majaw nga yang, amyu langai mat wa nga ai ngu masat hkrum ai lam gaw “Ndai myusha ni a shaga lang ai ga, hte htunghking lailen” hpe tat kau mat wa ai majaw rai nga ai.

Ya dai ni gaw; “mat magang nga ai myusha (Singpho) snr ga htunghking lailen” nga nna masat hkrum nga ai hta grau hkrit tsang ra ai (Most endangered languages) lam gaw; “N law la ai Kala mung nga Chyurum Jinghpaw (Singpho) myu ni hpe brang ayai kau shangun hkyen ai sumprat kaba langai mi pru nga sai re.” Ndai lam gaw Australian mungchying sha Dr. Stephen Morey hku nna, Jinghpaw (Singpho) laika langai bai gin shalat shapraw magang ya nga sai lam rai nga ai. Ndai shi ka da ai Jinghpaw (Singpho) laika hpe 2009, Feb. 22 ya (Shapawng Yawng Manau Poi kaba ngut ai hpang) hta Katetawng Mare, Tinsukia Dist., Assam hta masat shagrin la nna gaw Government jawng hta third language (nambat 3 laika) hku nna sharin hpang wa na hpe chye lu ai.

* Kala mung nga myusha ni hta kaga, Maru, Lashi, Zaiwa, Nung, Rawang nga nna n nga ai, Jinghpaw (Singpho) san san hte Lisu myu hpan sha nga ai re, anhte hpa majaw “ga langai, laika langai sha n mai byin na rai ta?
* Amyusha langai kata hta laika hpan law law lang ra wa na i?
* Laika n bung jang anhte myusha ni kaning rai byin wa na rai ta?


Dr. Stephen Morey gaw Endangered Languages Documentation Program hta shi hku nna gaw: A Comprehensive Documentation of the Tarung and
Kala mung nga Singpho (Jinghpaw) myusha ni 'Shapawng Yawng Manau Poi' galaw nga yang.

Kala mung nga Singpho (Jinghpaw) myusha ni 'Shapawng Yawng Manau Poi' galaw nga yang.
Singpho Languages nga nna, hpunau ni a kata hta du shang nga ai shaning mu na wa sai. Shi a project gaw “mat magang wa nga sai Singpho myusha ni hpe npawt ndung hkridun tam la n mu mat wa hkra byin shangun kau lu ai” project rai nga ai. Hpa majaw nga yang shi a Thesis/research (sawk tam) laika buk hta mung Anhte Jinghpaw (Singpho) myusha ni hpe Sam amyu hpan a lakung langai hku nna bang da ai hpe mu lu ai. Dai majaw “aga, laika n bung mat ai hpang gaw” shi ka da ai labau Sam amyu a lakung langai sha re nga ai lam gaw teng mat wa na rai nga ai.

Shi a project gaw, Miwa (Hkye) mung, Myen (Man) mung hte Kala mung hta nga ai Chyurum Jinghpaw (Singpho) myusha ni yawng hpe ‘Chyu’ n rum ai, jasam amyu kaga ga she shatai kau hkyen ai lam she rai nga ai.

* Shapawng Yawng Manau Poi kaba hpe lai wa sai 1985 ning kaw nna ya dai ni du hkra Chyurum hpunau ni yawng myit hkrum let manau dum lu nga ai re.
* Lama na, ‘ga, laika’ n bung mat, laika kaga ga lang mat wa ai rai yang gara hkawng (shara) aga laika hpe madung shatai nna manau dum na?
* shada da gara hku matut mahkai wa na?
* Sai langai sha rai ga ai ngu na, hpa ningja (identity) hpe madun na?
* Chyurum hpunau (Miwa, Myen) na ni rau gara hku matut mahkai wa sana?
* N shai wa na i?
* Shaning tsa lam bai kahtap wa jang anhte Singpho myusha ni kaning rai mat sana?


Tsawra ai Chyurum Jinghpaw Wunpawng sha ni e… myit yu yang sin machyi la n’ngai law, yawng ndai Dr. Stephen Morey a project (bungli masing) gaw anhte Chyurum hpunau ni yawng (Myen, Miwa, Kala mung) nga nna mungdan shai ai hte amyu shai kau shangun ai lamang snr Kala mung Hpunau (Singpho) amyusha ni a kata hta aga, laika jashai kau nna, kaga (Sam) amyu ni a kata hta bang kau hkyen ai lamang rai nga ai hpe mu mada ai. Dai majaw, tsawra ai myusha ni yawng ndai Dr. Stephen Morey a project tang madun ai lam hpe myit yu nna shi hpe adik tawk (English) hku nna, amyusha yawng a malai matut mahkai, hkrum jahta, shading sharai la ga ngu nna saw lajin dat n’ngai law.

Dr. Stephen Morey a hkringdat gaw:
Dr. Stephen Morey
4Sims Street.
Sandringhan VIC 3191, Australia.
Tel. 61395981122
Email. moreystephen@hotmail.com This e-mail address is being protected from spambots. You need JavaScript enabled to view it

lakap >> http://www.kachinnews.com



(48) Ning Hpring Rawt Malan Mungga

Posted by nzk Thursday, February 5, 2009

Dai ning na rawt malan mung ga hpe hti yu na anhte a mungdaw kata na mung masa hte wunpawng mungdan shanglawt hpung a hpaw ni na mung masa hkrun lam gaw gara made rai sa na hpe sam maram lu sai hku re .Bai na dai ning na rawt malan poi hta mungdaw kata nga ai laga amyu baw sang ni hkum hkra shang lawm ai lam gaw lak lai ai hte myit hkrum gahkyin hkum din ai lam hpe madun dan ai lam rai nga ai .

Bai na ndai poi hta jai lang da ai logo hpe mung yu yu ga ahtoi nsam (yellow colour) gaw sadi jaw ai (warring)  kum la rai nga ai ,ahkyeng nsam (red clour ) gaw hkring nan hkring ra ai lachyum re ,shindu nsam (background colour ) hpe atsit nsam (green colour) hte lang da ai.

Dai majaw duwa na 2010 hta anhte mung shawa ni gaw gadai hpe madi shadaw na gara maga de tsap ra na gaw yawng myit dum shajin na ten rai sai hpe mu maram ai ndai ralata poi gaw ntara ai Mung kan kawn nmasat ya ai mi nga nga ,  1990 ning ralat poi dang da ai Makaw hpung ni gade mi ning hkap tim myen hpyen atsu ya gaw shi masing hte hkrak atik anang galaw chylu sha rai nga ai,UN kawn dak kasa gade mi dat tim lak lai wa ai lam n-nga ai hpe yawng mu chye chylu rai nga ai dai majaw mabyin msa langai hpe nda de (negative) nre sha jaw ai yu jut (positive) maga hku yu ra nga ga ai dai majaw dai ni na ten anhte amyu ni hpa ga law ra nga sai hpe shing ran mu let lahkam sawa ra saga ai law.







NEW ZEALAND KACHIN COMMUNITY

Posted by nzk Wednesday, February 4, 2009



Tsaw ra ai W.P mung dan a matu asak up nawng mat sai myu tsaw sha re shagan yawng hpe an hte NZ du w.p myu sha ni hkung ga jaw dat ga ngai.

Feb 5 ya gaw an hte galoi mung myit dum nga ai rawt malan n htoi rai nga ai.an hte mai gan du a myu w.p shani an hte a w.p mung dan hpe tsaw ra yang w.p mung dan gaw nang ngai hpe galoi mung myit mada let la nga ai. lai wa sai 2008 ning hta an hte a galaw sawa sai lamang ni hpe bai myit yu dat yang grai n gun lu ai lam ni law law nga wa sai.bai matut nna dai ning 2009 ning hta mung an hte a myu shalam yan hta nang ngai dang di dang dep ai hku an hte a myu sha lam yan hta sha da ta gin dun let grau nna shakut shaja sawa ga.

Dai ning May shata n htum yang New Zealand mung dan hta Refugee hku hting gaw 6 bai du jat na lam hpe mung matut nna NZ immigration shiga dap kaw nna kahtap let chye lu ai.bai du jat wa na hting gaw ni hpe mung lai wa sai ten hta shada garum lam woi madun matsun la hkat ai zawn bai garum shing tau la hkat ga.NZ immigration kaw na ni an hte kachin ni hpe myit n gun grai lu taw nga ma ai.

Shan hte hku nna an hte hpe mu mada ai lam hta No.1 sha da tsaw ra garum madi sha daw ai lam hta n gun lu ma ai hte an hte kaw na hpaji la ma ai.No.2 Ning tawn ai a myu ma sha langai mi rai ma ai nga nna masat lama ai.No.3 san san seng seng chye nga ai hpe mung ma sat la ma ai.grau nna nna gaw an hte a shakut shaja ai lam ni hpe shan hte grai n gun lu ma ai.

Du na 2020 ram hta gaw mung kan a hpaji lam hta P.h.d jan mau hpe yawm dik ma rai 7 lahta gup lu na re ai hpe ya kaw nna maram masam da lu sai.an hte a kashu kasha ni a hpaji lam hta an hte kanu kawa ni a tsam htum hkra lam woi ma tsun jaw ga.an hte a kashu kasha ni hpe ten shagu an hte a amyu ru sai lam hte tinang a amyu ga hpe tinang a nta kaw a tsam dat let sharin ya ga.

Anhte a kashu kasha ni la ni mi hta an hte a W.P mung dan hpe jaw teng ai hku shading sha rai lu mat na re.a ten hte a hkaw a hkang lu ai ten hta gum gai ding la ma hkra hpaji lam hta grai sha kut la ga. Anhte yawng a ntsa kaw hpan karai shamam chyeju jaw ya taw ai hpe myit yu let matut nna an hte a shawng lam hpe K.K kaw kyu hpyi ap nawng let shakut shaja sa ga ngu lai ka kadun hte shana dat ai.yawng a ntsa hta K.K bau sin ya u ga.

Slg.La Kang Dau Hkawng

NZKC Ning Baw

Computer Problem

Posted by nzk

Computer Problem ?

Dai na de mail hpaw hti dat yu yang computer mang hkang nga na (ngai na computer yasha yasha jahten kau kau re majaw ::hkau shang htin pyi grai gram ya yu sai.. ) loi myit lawm let hpaw mada dat yu yang wa kaja wa sha myit lawm nan re mi mu hkrup dat ai hku re ,,yu tam sha hkawm ai lapu gaw nrai nhten ????


SUPPORT: 'Hello, Technical Support. How can I help you?'

LADY: 'Last night my computer started making a lot of hissing noise
at me so I shut it down. This morning when I turned it on the computer started hissing and cracking, then started smoking and a bad smell, then nothing'.

SUPPORT: 'I will send a technician over first thing this morning.
Leave
the computer just like it is, so they can find the problem and fix
it, or change it out with another computer. Give me your address and
phone number, the technician will be there just as soon as he can'.

When the technician got there, the lady showed the him the computer and told him what had happened.


This is the problem the technician found.


Scroll Down . . .





The snake was a 'South African Spitting Cobra' - it's better known as 'Mfezi' the 'Staffie' (Pit Bull Terrier) of African snake species!!

The technician told her: 'It must have been after the mouse!'


The woman didn't think it was very funny at all.

Ri Nawng Nhtu

Posted by nzk Friday, January 16, 2009

Anhte a Wunpawng htung hta La ni Num la na rai yang madu lan num sha hpe htung hking hte hkrak sa hpyi la ra ga ai re . Mayu ni hku na Dama ni hpe madu a shayi sha jaw sha sai nga ai hte ri hte nhtu shawng jaw dat ai . ri nhtu lu la sai nga jang gaw 90% gaw mai kam sai hku rai nga ai mayu ni kawn ahkang jaw ai hpang she dama ni gaw ra ai lam ni bai mai matut lajang mai ai hku re . Hpa majaw ndai zawn re galaw ra ai ta nga yang mau mwi nga ai hku re dai gaw ndai hku da ........

Moi shawng de grai lagawn ai Jinghpaw la langai nga ai da shi gaw hpa amu mung nkam galaw ai sha ga nhkun htu na nhkun mahka ntsa kaw sum ri grang da nhtawm shi gaw nhkun kata kaw shang rawng let sum ri hpe gang dat yang bung.. bung..  nga grai ngoi ga du ai nsen pru ai da ,shi gaw shani sha gu dai ga chying  chyu dum na nga ai da.

Lani mi hta gaw Munat wa gaw dai Jinghpaw la wa dum ai gachying a majaw baw machyi na shi a ali ama ni hpe dat na ndum na matu sa tsun tim dai la wa gaw nmadat ya ai da  dai majaw Mu nat ding la gaw shi a shyi sha hpe shangun dat ai da . " Nye wa tsun ai dai gachying hpe hkum dum na da nang ra ai hpa rai tim jaw na da " dai la wa gaw " um nang hpe lu la na rai yang gaw ndum sai "
Mu nat ding la mung ganing nchye di na shi kasha hpe jaw sha ai da .Shan lahkawng hpe galaw lu galaw sha na matu nhtu langai kum hpa jaw dat ai da.lani mi hta madu jan yi sa mat ai shaloi dai la wa gaw nta kaw mam lam da let pali shit taw nga ai da dai shaloi mam sa sha ai u hpe nhtu hte shada dat yang u ni gaw baw yawng di mat ai da ,shana de madu jan bai wa na u ni hpe tam yang nmu na san yu yang ngai nhtu hte sha shada ai yang bawdi mat ai ngu tsun tim madu jan gaw nkam na garu di ai bai law yu ngu tsun yang shi gaw ndai hku ngu shi madu jan maga de nhtu shayawn dat ai hte madu jan gaw baw di na si mat ai da.

Dai lawa gaw hpa nchye di na yawn taw nga ai da Munat wa gaw shi kasha hpe sa woi la na bai jahkrung ya ai da ."um nanhte hpe ndai ntawng nhtu gaw nmai ya sai dai majaw nmai kahtam ai baw ri nawg nhtu mahtang lawa masu " ngu tsun let bai shabawn dat ai da dai shani kawn anhte W.P myu shani hta ndia htung hking byin wa ai re da . Teng nteng gaw nchye ai mau mwi she re gaw le i .ndai mau mwi hpe ramma hpawng langai hta sara Palawng NawTawng hkai dan ai mau mwi re.

Dai rai yang manu dan ai anhte a htung hking rai ni buhpun palawng ni gadai ga law ai ganang na sa ai anhte sawn yu ga ai kun?Ndai zawnre anhte a htung hking rai nihpe galaw shapraw dut sha ai gaw gadai ni mahtang kun? mari lang ai gaw w.p shani rai nga ai.

Num la yang lang ai bau,ri nhtu, nbayan ni hpe anhte amyu ni nchye da nchye dup nchye dut sha ga ai.laga mai gan amyu ni galaw ai hpe anhte amyu ni gum hpaw mahkam na jai lang nga ga ai .w.p rida maka rai ni mying gum hkawng ai tsawm htap ai buhpun yang mung manu ai(model) nga ai re ,rai tim dai rai ni hpe chye da ai gaw myen ni she re anhte amyu ni dinggai ni nkau chyu sha ga dalang kaw loi li sha da mat sai dai ni nnga mat ai hpang gaw mat sai sharin da ya ai lam nnga ai sharin hkam la ai lam nnga ai myit yu hpa re .

Tsun mayu ai gaw htung hking rai hpe jai lang ra ai gaw anhte amyu ni galaw shapraw dut sha nga ai gaw masha amyu ni rai yang anhte a jagum hpraw gaw gara de du mat na .myen ga malai nga ai anhte galaw ai lam gaw kik pawk ne hpa kauk ngu ai baw she rainga ai .Nang hpun da ai jinghpaw maka grai tsawm ai le gadai ni da ai ta ngu san dat yang masha amyu ni she re arawng la hpa nnga ai myit yu hpa re .

Anhte a htung hking hpe tsun jahpyak ,anhte a amyu hpe jahpoi ai nre gaja wa sha nan myit yu hpa lam ni re hpe mu mada ai, anhte amyu ni n-matsan ging ai ni re ,nchye galaw ai majaw matsan nga ga ai .

Nang lu ai atsam marai hpaji ni gaw Na a matu, Na a dum nta masha, Na a mare buga, Na a amyu mungdan a matu rai u ga ..





Bush a hpang jahtum mung ga

Posted by nzk Wednesday, January 14, 2009

American Mungdan a Gumsan magam Bush gaw shi a hpang jahtum na shilaika sang lang hpawng hta e shi Gumsan magam galaw nga ai lak htak hta galaw shut dawdan shut mat wa sai lam ni hpe mara yin la hkam la mat wa sai hku re . Shi hku na Gumsan magam lit hpe gun hpai nga ai ten hta myit ru myit htum ai lam ni lawlaw nga lai wa sai lam mung tsu lai wa sai .

Ndai zawn Mungdan a ningbaw langai mi tinang a shut shai ai lam ni hpe yin la ai gaw kasi lahpa nan rai nga ai. Ngai sawn yu ai anhte a ning baw ni mung kaja wa madu galaw shut mat wa ai lam ni nga yang ndai zawn mara yin la gwi na ma ai kun?



Jinghpaw Mungdaw masat nhtoi

Posted by nzk Monday, January 12, 2009

(61) Ning hpring jinghpaw mung daw masat hpe anhte N.Z mungdan hta shanu nga ai w.p myusha ni gaw kyuhpyi ai lamang hpe galaw let masat shagrau ga ai .

Auckland mare gaba hte wellington mare shara lahkawng hta manap 6:00 Am kawn shana 6:00 Pm du hkra matut manoi kyu hpyi let shang lawm saga ai.


Madung dat kyuhpyi ai lam hta ..
  • Anhte Mungdan Ngwi pyaw sim sa wa na lam.
  • Jinghpaw Wunpawng myusha ni myit hkrum gahkyin gumdin wa na lam.
  • Jinghpaw Wunpawng myusha ni hpaji lam hta rawt jat wa na lam.

Matut mahkai mayu yang

Dau Hkawng 0064-06 3683872 h/p 0210642851 donghkong@gmail.com