Content feed Comments Feed

Bai Nhtang sum ru yu ga 2008

Posted by nzk Wednesday, December 31, 2008

2008 Ning hpe ntsa lam hproi bai yu dat yu ga mai kaja lam ni nga ai zawn hten run hten za tsin yam tsim dam ni mung law nga ai . Nkau gaw Mung kan a shingra tara maka a majaw mung rai nkau gaw masha shada sat nat hkat ai lam ni mung rai nga ai.

Hpa mi rai tim 2008 ning gaw gade nna yang htum sana sha rai sai ngwi pyaw ai 2009 shaning nnan mung du shang wa sana sha rai sai . 2009 ning gaw ganing re ai baw ni bai du wa na kun ? shaning aten ladaw ni gaw lai lai rai mat wa sai . Nang na a hkum a matu hpa galaw sai kun ? Na a dinghku dum nta masha ni a matu hpa galaw sai kun? Na a mare buga grup yin na ni nang hpe kam hpa ma ai kun? Na a amyu sha ni a matu Na a Mungdan a matu akyu rawng ai lam lama ma galaw ga sai kun??? kun ngu ai ga si ni hte bai nhtang myit sum ru yu ga....

Tsaw ra J.W myu shani yawng 2009 shaning Nnan hta Ngwi pyaw nga mu ga .

Ngai na hkrup ai 2008 ning hta byin lai wa sai mabyin ni....

  • Myen mung hta Nbung laru a majaw Aeyawadi Ginwang hta masha sen lam si hkrum sai.
  • Miwa mung hta Nnang nawn gaba byin na masha manu mana si sai .
  • Russia Mung hta nbung li hkawn na masha si ai.
  • Spain Mung hta Mung nbungli hkawn ai lam byin lai wa sai.
  • Russia gaw Goger hpe shang gasat ai.
  • India Mubai hta gasat gala amajaw masha manu mana si hkrum sai.
  • Israel gaw GaZa hpe ganghkau kawn gasat ai majaw masha tsa gaba si hkrum sai.
  • America mung hta Obama gaw shawng nnan na shan chyang masha Gumsan magam tai lu sai.
  • American Mungdan a sut masa laru a majaw mung kan hta ram ram ahtu hka nga sai.
  • Gumsan magam W.Bush gaw American Gumsan magam ni hta shawng nnan labau shang gyepdin hte gabai katut ai wa rai sai .
  • Thai Mung dan hta laning mi laman hta sha Mung dan a Hkringmang daju ( PM ) marai 4 galai sai .

Gasaw Ndau shana dat ai

Posted by nzk Sunday, December 28, 2008

( Anhte a Ning baw gaw karai kasang rai nga ai )

Mung kan jut shara shagu hta shanu nga ai tsaw ra ai J.W myusha ji nban ni yawng hpang de gasaw lajin dat ai . 2009 ning na Jinghpaw Mung daw masat nhtoi hta Nang ngai hkum dingdek nan anhte a Mung dan ngwi pyaw sim sa wa na matu tinang du ai shara kawn aja awa kyuhpyi myit dum ga ngu gasaw dat ai law.

Kyu hpyi ai lamang hpe hkying hkum 24 lusha gam let wuhpung wuhpawng hku rai rai tinang ding hkrai hku rai rai galaw sa ga ngu gasaw dat ai law.


Madung dat na kyu hpyi na matu gaw ..

  1. Anhte a Mungdan ngwi pyaw sim sa wa na matu .
  2. Hten run nga sai anhte a Buga gin ra a matu .
  3. Amyu shalam hta woi awn nga ai anhte a Ningbaw ningla ni karai kasang kaw na Machye machyang lu la let, myu sha ni hpe woi awn jasat wa lu na matu.
  4. Jinghpaw Wunpawng myu shani myithkrum gahkin gumdin wa na matu.
  5. Karai kasang miyt dik myit ra ai aMyu , Mungdan , Ningbaw ningla ni byi tai wa lu na matu.
  6. J.W Myu sha ni hpaji hparat hta chye chyang kung hpan walu na matu.
Anhte NZ nga ai j.w shani gaw lahta na tang madun da ai hte maren du na January 10 hta ndai lamang hpe galaw sa wa na ga ai . Nang ngai hpu nau ni yawng mung shang lawm myit dum ga ngu gasaw dat ga ai law .



X'mas Buhkawm

Posted by nzk Friday, December 26, 2008

Wellington hta shanu nga ai j.w sha ni gaw Christmas hpe buhkawm ai lamang hku na ga law saga ai , Wellington na nam pan sun langai kaw sa hkawm chyai let Christmas hpe galaw saga ai , Auckland kaw nga ai j.w ni gaw alak mi rai na dum nta hta ga law sai lam na lu ai ,anhte NZ bu ni gaw nga shara loi tsan hkat ga ai majaw rau sha hkrum zup na rai nlu galaw shi ga ai ,

Wanleng du wa na hpe ala nga ma ai

Hkawk hkrak wan leng ntsa hta mani hte sai



Mahte nawk ngyep hte brawk yan hkawm nga ma ai

Nampan sun ka ta hta re nam pan nmu lu ai gaw sum la dem ai wa a mara she re grai tsawm ai nam pan sun re

Gun sa ai shani kang lu sha hpe jawm sha nga ma ai




Gin lung X'mas

Posted by nzk Saturday, December 20, 2008

Wellington Mare daju hta shanu nga ai Myenmung baw sang ni a X,mas poi hpe dai ni Hosanna nawkun htingnu hta wu wu di di ga law lai wa sai , ndai X,mas poi gaw shawng nnan lang na Myenmung baw sang ni yawng jawm ginlung ai X,mas poi rai nga ai.

Myu bawsang shagu tinang a htung hking yu ngwi kahkrang ni hte shang lawm ai rai nna , shana de daw gaw gawdin gin sup shing jawng ai lamang hpe mung galaw lai wa sai , yana zawn ginlung x'mas galaw ai marang e Myenmung masha shada da grau na myit hkrum mahkri shawn hkat na matu re lam chye lu ai,

Wellington grup yin hta shanu nga ai Myenmung masha yawng rai yang 300 jan nga ai hta na law malawng gaw hpu nau Hkang ni rai nga ai .


X'mas mungga hpe rau sha jawm hakm la ga ai

Wunpawng shayi mung mahku yu ngwi hte shang lawm

Hpunau Kaya amyu ni ka hkrang hte shang lawm

Hpunau Hkang shayi sha mahawn shakawn nga

Hpunau kayin myu shani mung ndai zawn yu ngwi hte jawm shakawn ma ai

X'mas lusha hpe mung ndai zawn jawm sha ga ai





W.P Htung hkring sharin la ai Kiwi ma ni

Posted by nzk Saturday, December 6, 2008

Lai wa sai Dec 1 hta Wellington, Porirua mare WhiBay soccer club hta ga law ai junior camp de anhte NZKC ni hpe mung saw shaga ai majaw NZKC ningbaw Slg. Lakang Dau Hkawng hte rau shayi sha Lhpai Jaseng Aung hte Lahpai Ja Htoi yan gaw htung hkring ka hkrang hte sa shang lawm lai wa sai.Ndai hta asak 7 ning kawn 10 ning lapran na Num sha ni hpe jawng dat ai ten hta Num sha ni hta chye ging ai lam ni hpe sharin ya ai lam rai nga ai, shan hte ni gaw Myen mung na num sha ni gara hku buhpun palawng hpe hkrut ai , mahpe gara hku ba ai ni hte Myen mung a htung hkring lam ni hpe san htai galaw law lai wa sai lam dai lamang hta sadu lawm ai Slg.Lakang Dau Hkawng kawn chye lu ai.
Shi bai tsun ai hta " Ndai ma ni gaw she kaji tim shan hte hta chye chyang ai lam ram ram nga ma ai yawm dik mungdan 50 ram a lamu ga masa ni hte mungdan shing du labau ni hpe chye tawn da chya lu rai ma ai,anhte ni a htung hkring ni hpe shan hte sharin la ai zawn shan hte kaw na mung ma ni hpe gara hku sharin achyin ra ai ngu hpe lu sharin la ga ai"
NZKC hku na gaw Myen mung bawsang ni yawng a gawng malai shang lawm ai re lam chye lu ai.


Ndai zawn w.p htung hkring ka hkrang ni hpe sharin la ma ai








Ma hpe gara hku ba ai hpe mung jawm sharin la ma ai

Matut mahkai mayu yang

Dau Hkawng 0064-06 3683872 h/p 0210642851 donghkong@gmail.com