Content feed Comments Feed

Day Light Saving

Posted by nzk Sunday, September 28, 2008


NZ Mungdan masha yawng laning mi hta n-galaw n-mai bungli lahkawng lang nga ai ,dai gaw hpa rai ta nga yang ahkying aten (time) hpe sit ya ra ai ,Sept jahtum bat hta shawng de hkying hkum mi sit ya ra ai ,bai na March shata hta kalang hpang de hkying hkum mi bai sit ya ra ai .Dai ni gaw nshung hkoi na ginhtawng ta de rai wa sai shani ten grai ga lu sai , jahpawt hkying 5 kaw nhtoi htoi ai sha na hkying 9 hta she nsin bai sin ai , dai majaw shana yup tung ten du hkra zaw zang hkawm ai ni gaw yup nhkru ai ten re ,ndai ten hpe daylight saving nga n-htawm masha law law wa grai pyaw ai ten re pang lai de nga dawn hkawm, shanju sha rai makau grup yin na nampu nam pan ni mung n-naw bai rawt rai grai pu tsawm ai ten re ,ndai ten ladaw ni hpe nz masha ni gaw grai manu shadan ma ai lam hpe mahkrum madup hku na shachyen ya dat ai .

NZ mung dan a kawa masat laban nhtoi

Posted by nzk Sunday, September 7, 2008

Mung kan hta KaNu nthoi gaw yawng bung tim kawa nhtoi gaw shai hkat nga ai ,NZ mung dan hta gaw Kawa ni a masat nhtoi laban gaw dai ni she re .Manap daw gaw English nawku jawng de sa Nawku lawm ga ai ,sha na daw de gaw anhte a ah ga hte Nawku daw jau ai lam hpe galawga ai , dai ni NZ mung dan hta shanu nga ai J.W myu sha ni mung tinang a ah myu htung hkring ga ni nmat wa na matu ,wenyi lam hta grau na suhprang wa na matu hte tinang a kashu kasha ni tinang a hkring htawng ni hpe chye na makawp maga rawt jat wa lu hkra ngu ai myit hte nlaw nla re ai rai tim bat shagu hta nta lngai hpang langai jawm naw ku ga ai ,htawm hpang de madu a madu nawku hting nu ni lu lajang lamat wa lu hkra ngu yaw sha da ai lam re, n-myit mada ai sha NZ mung de sadu ang ai gadai hpung sara wa mung anhte hpe nmalap ai sha matut mahkai wa ga, yawng hpe hkap tau la ga ai.
Kawa Masat nhtoi hku na lawu na shagun laika hpe sha chyen yadat ai.
De,
Tsaw ra ai wa ngai kasha lai ka hte sha na dat ai,tut hkam ja nga u ga.Kawa nhtoi du sha gu an nau ni ntas tawn da ai wa a tsaw ra myit ,wa a shakut shaja ai lam ,wa a nden marai share shagan ai lam ni hpe myit dum let myit ndit n-ngai.Moi wa naw nga ai ten an nau ni tsawm htap ai nta ,mawdaw ,sun hkau na hte ra nrawng ga ai gadai mung annau ni hpe n-yu gaji tsaw ra hkung ga ma ai.
An Nau ni hpe wa gaw hpaji chye na matu jagum hpraw malet lawu ga YanGon ,May Myo hkan jawng da lai wa sai ,gum hpraw matim hpaji nchye ten jahtum kau sa ga ai , wa lu ai ja gum hpraw ni gaw teng sha hpaji sharin yang Phd jan mau pyi mai lu ga ai.
Wa a an nau ni ntsa yaw shada ai lam gaw jakat ai nli tum tai na matu re, rai tim ya gaw an nau ni hta tsi la n-mai sai ana ni hte nang hpan tsi mawan ni gaw wa ra sharawng ai hpe jahten kau ya sai.Ngai kasha hpaji nchye ai majaw moi wa lak htak hta lu da ai hpakan na lung seng nhkun mung ya gaw MiWa ni a latade rai mat sai,Mali hku na ja nhkun mung darumagam lu ai ni lakau ya sai,bai na Mali sut yang na hkau na mung atsuya ni tara nshang ai nga na zing la ya sai, wa ga law da ai Myo ma lawk na nta hte mawdaw gaw dai Gala pansha ni hpe bwoi da ai wa nlu shaw la ai majaw jasum kau sai.Bai na wa e an wa ni a nta hte yep re ,dai Shwi Bu na htawt wa ai jahtawng nhtu ai ma nam ni mung wa n-nga ai hpang gaw nta wang de shang na ngai Jan ni hpe du roi rip wa masai ,ngai kasha Uma gam a nden marai n-rawng ai lam sha rai sai wa e,

Ya ngai Nau Naw wa mung mai gan de du taw ai da hpa ga law nga ai kun? shi ga mung n-shana ai na sai, La wa gaw hpaga ga hkawm ai nga na gum hpraw nla wa ai sha HIV gaw shakap wa ai,kaw yan Lu mung MIWA ga de re zawn nchye ai, Tu mung yahte sha kani dawn tsirung na yu wa ai myit malai sai da,kanau Tang gaw lai wa sai shata sha AIDS hte n-nga mat sai ..Um ...annau ni myit nsu ai mjaw Nu mung ten tup myit npaw let sha nga nga ai.
Wa e ndai laika ni hpe hti yu na katsan ga kawn annau ni ntsa wa gaw myit ndik mroi nnyi na re ,tut yawn hken let myi prwi pru na re ,raitim wa e hkum hkrap sa ngai nsha ga sadi jaw ai sak naw hkrung nga ai an nau ni bai gahkyin hkum din let dai ni kawn hpang de gaw wa an nau ni ntsa hta byin shangun mayu ai hpunda dep jakat ai nli tum byin tai wa hkra shakut na ga ai ngu ga sadi jawdat ai wa.Du nashning na kawa nhtoi hta she lai ka bai ka sana yaw wa e, wa tut ngwi pyaw hkam ja nga u ga.
Shana ai tsawra ai kasha Uma Gam.
Ka ai wa :: Sin li ma



Hkam ja lam loi mi

Posted by nzk Tuesday, September 2, 2008

Computer hte ndaw nhka bungli ga law ai hpu nau ni a matu mail kaw du wa ai hpe garan gachyan ya dat ai ,nkau mi a matu akyu nrawng tim nkau mi a matu gaw akyu rawng na nhten,yu chyai ga .

Matut mahkai mayu yang

Dau Hkawng 0064-06 3683872 h/p 0210642851 donghkong@gmail.com