Content feed Comments Feed


   NZ du J.W Hkristan hpung masha ni a shawng na lang na chyum sharin hpawng hte hkrismat hpe 22-26 .12.2012 du hkra Foxton Bible camp hta awngdang ai hte galaw la lu sai.
     Ndai sharin hpawng hta Rev. Dr Maran JaGun kawn makam masham hte htung hking ngu ai ga baw hte sharin ya sai, matut na Australia na du sa ai hpajidu usa sara kaba Kareng Naw Tawng  kawn mung makam masham amyu sha hte laili laika ngu ai ga baw hte sharin ya sai.Hkrisatu a sape majing tai na matu marai 4 mung myit malai hkalup hkam la sai. Ndai sharin hpawng hta Australia na j.w myu sha nkau ni mung sadu shang lawm wa sai hte sadu sharin hkam la ai masha yawng 98 tup re lam chye lu ai.


NZ du W.P sha ni a tsaw ra myit

Posted by nzk Sunday, October 21, 2012


NZ du J.W sha ni hta na shawng nnan janmau gup

Posted by nzk Thursday, September 27, 2012

New Zealand Mungdan Auckalnd Muk Lung hta shanu nga ai Shayi Sumlut Htoi Ja gaw 19.9.2012 ya sha ni Bachelor of Nursing janmau hpe ningtawn ai hte gup lalu sai lam chye lu ai. Shi gaw NZ du Jinghpaw Wunpawng myu sha ni hta na No 1 shawng janmau gup ai shayi sha mung re.Ya na zawn hpaji jan mau hpe ningtawn ai hte hkam la lu ai sha yi sha hpe mung arawng la hkung ga sha grau dat ga ai law.

 

    New Zealand Mungdan kaw nga ai J.W myu sha ni kawn  Kanu Wunpawng mung dan hta byin hkrum nga ai hpyen yen tsinyam Myu Wunpawng sha ni hpe garum madi shadaw lu na matu yaw shada let fundraising alu tam ai lamang  hpe New Zealand kachin community  kawn woi awn let 7.7.2012 ya hta ngwi pyaw awng dang ai hte galaw la lu sai. Ndai lamang hta local mayor , partner relief development kaw na myit su ni  hte laga community kaw na myit su kanu kawa 300 ram sadu ngun jaw wa sai. sadu ai sha wa masha ni hpe htung hkring kahkrang  malu masha ni hte dawjaw atsam madun lai wa sai.

J.W sha ni sha nu nga ai Wellington porirua Mayor kawn ngun jaw ga tsun nga yang







Hpyen yen tsin yam ni a matu alu tam na

Posted by nzk Saturday, June 30, 2012

New zealand du jinghpaw wunpawn myu sha ni kawn du na 7 july 2012 ya hta hpyen yen tsin yam hkrum nga ai Myu Wunpawng sha ni  hpe jut mi kaw na garum shing tau lu na matu yaw sha da let alu tam lamang hpe NZ Kachin community kawn woi awn galaw sa wa na re lam chye lu ai.

Padang Hkrun Lam laning mi hpring chyeju shakawn

Posted by nzk Sunday, June 10, 2012


New Zealand Mungdan du jinghpaw wunpawng myu sha ni kawn 10.6.2012 laban ya sha ni hta padang hkrun lam majan masing laning mi ladu hkrum chyeju shakawn naw ku hpawng hpe ngwi pyaw ai hte galaw la lu sai. Bai NZ Kachin Community kawn woi awn let  du na sha ta July 7 ya hta hpyen yen tsinyam ni hpe garum lu na matu alu tam lamng hpe ga law sa wa na re lam na chye lu ai.

MYIT RA AI LAM HTE AHHKAW AHHKANG

Posted by nzk Monday, April 2, 2012


Myen a labau hpe ntsa lam yu ding lik yu yang moi chyeloi nhkoi shan hte a hkaw hkam ni a prat kaw na ya dai ni du hkra gara prat hta rai tim ngwi pyaw sim sa lam hpe nmu lu nga ai.
Shan hte a myit kraw lawang mung dingman ai tengman ai lam hpe nchye hkan ma ai shada ah rawng kashun lahkum kashun ai lam chyu rai ma ai. English colony prat na lawt na matu Japan hpe sa woi wa ai , japan mahtang English hta grau mazut jang English hte bai pawng na japan hpe gasat ai shan hte a mung dan labau ni hta gaw shanhte hkrai shakut ai ma jaw shang lawt lu ai zawn hku na labau hpe magap masu kau ma ai grau na gaw bum nga masha ni a labau ni hpe sha prai kau mayu ma ai.
Ya dai ni na ndai ten hta rai tim shan hte a myit jasat ni gaw magyi magaw rai nga ai , sinna mung dan ni hte nmai pawng jang miwa kaw kap ,miwa hte nau nhtuk wa jang sinna maga de kap rai madu a lagaw madu nlu tsap ai amyu ni rai ma ai.
Anhte N.N laika hpe hti yu ai sha loi K.K gaw Ah braham hpe myu matu jaw na ngu tsun ai sha loi shi hku na chyena shut kau ai hpe mu lu ai ,hpa majaw nga yang shi a madu jan sara madaw asak kaba sai majaw rai nga ai. Dai majaw shing gyim myit hku na sawn la let sara a lashi num (mayam num ) kaw shang let myu matu shakap la ai lam myit sha praw ma ai .Mayam num mung kasha sha ngai ya sai re majaw sara hpe n-gawn n-sawn di wa ai dai majaw sara gaw madu wa a ahkang aya hte sara hpe adip arip di na gau sha praw kau ai. Rai tim K.K a ga ndat gaw shan kaw dik wa sai hte kasha Isak hpe jaw ya sai.
Hpa baw hpe tsun mayu ai ta nga yang K.K gaw shi jaw na ngu tsun da ai hpe anhte shing gyim msha myit hku na madu ra ai hku galaw chye ga ai, de a marang e dai ni Ahbraham a mtu mara rai nga ai Isrial myu sha ni hte shi a mayam num kaw na myu matu ahrab ni gaw dai ni du hkra n-hkrum nra ma ai. Karai kasang gaw shi a myit ra ai lam hta hkan sa na hpe ra sharawng nga ai, raitim anhte shing gyim masha ni madu myit ra ai hku ga law wa ai sha loi mung ahkaw ahkang jaw nga ai rai tim madu kaw na sak jaw kau ra ai lam ni gaw grai law nga ai.
Anhte J.W sha ni mung K.K a chyeju hte sha htum mat maw sai kaw na hkye hkrang la ai hkrum sai, K.K gaw J.W sha ni hpe ndai mung kan kaw na htum mat na hpe nra ai majaw sinna ga na sasana sara ni hpe dat ya sai, anhte Karai a mung ga lu ai ni rai sai ,htung hkring laili laika lu ai ni rai sai ,manu dan tsawm htap la ai lamuga hpe jaw ya sai. Dai ni K.K gaw anhte myusha ni a ntsa shi a yaw shada ai lam nga ai dai majaw mungkan hta masha law dik ai Miwa hte Gala mung lapran kaw anhte hpe shara jaw ya sai .
Ndai zawn re mungdan kaba ni a lapran kaw shi a ninghtoi, mung dan gaw de na matu myit mada nga ai. Dai majaw K.K hpe chye chyang ai English ni gaw 1947 ning ten hta anhte J.W sha ni hpe lak san mung dan jaw na lam tsun sai re. Rai tim dai ten hta na anhte a jiwa ni a myit sawn daw dan shut kau dat ai a marang e dai ni anhte J.W myu sha ni hta sak jaw kau ra ai lam ni grai law mat sai. Karai kasang gaw awmdawm shanglawt jaw na ngu ai hpe anhte amyu ni hku na lata la ai gaw munghpawm hpe lata la kau sai hku re de a akyu gaw dai ni nang ngai yawng mu chye nga chylu rai sai.
Dai ni na ten anhte J.W sha ni a Mung masa hpyen masa ni hpe bai yu ai shaloi K.K gaw anhte myu sha ni hte rau rai nga sai,dai ni shi a nsen hpe chye na ra sai, shi a myit ra ai lam hta chye hkan nang ra sa ga ai.K.K gaw nteng nman ai hte nshawp nkap ai ni kaw na anhte hpe gran la mayu sai anhte hpe lak san shaman chyeju jaw nga sai hpe anhte yawng dum ra sai anhte a nsen langai sha, nsam langai sha rai ra sai anhte myu sha ni myit hkrum ai hte K.K kaw manoi manat let K.K jaw ya ai awmdawm shanglawt ai hkanan mung hpe madu shang sha sawa ga ngu ................

52 Lang na rawt malan masat nhtoi

Posted by nzk Sunday, February 5, 2012

NZ Du Jinghpaw Wun pawng sha ni kawn 52 lang na rawt malan masat nhtoi hpe wellington ginra hta ngun mi alu rai kabu gara myit ngun hte galaw lu sai .Lamang hpe nawku dawjau ai daw,htung hkring kamanawt ai lam ni hte ga law lu sai.





Madi shadaw ga ai

Posted by nzk Saturday, February 4, 2012


Wunpawng Mung dan padang hkrunlam hta shang lawm shakut shaja nga ai Myu w.p sha yawng hpan karai chyeju hte ngwi pyaw hkam ja u ga shawng nnan sha kram dat ai. W.P Myu sha ni a rawt malan aten gaw 51 ning tup aten galu wa sai ,dai ni tsa ban 21 majan kasat ai hta an hte myu sha ni kaw grai lak lai ai lam gaw hpan k.k gaw an hte myu sha ni hte rau shang lawm ya ai hpe asan sha nang ngai ta tut mu lu ga ai. k.k an hte hte shang lawm ai lamgaw an hte hpe Mung dan jaw up na a hkyin aten du sai majaw rai nga ai. Dai ni na Wunpawng Mungdan shanglawt asuya a Mungmasa padang hkrun lam hpe aja awa madi sha daw ga ai. W.P Mung dan hpe awmdawm ai shanglawt lu hkra woi awn sa wa na hpe mung myit mada ga ai.
An hte mai gan Mung dan hta du nga ai ni mung Myu hte Mung dan a matu jut mi hku lu garum lawm na matu mungkan a hpaji lam, ja sut gan tam ai lam ni hta shakut shaja nga ga ai. Matut nna W.P mung dan padang hkrunlam a matu an hte New Zealand du Myu W.P shani lu ai atsam hte shang lawm na ga ai.Wunpawng mung dan hpe woi awn nga ai myu tsaw mung tsaw Ning baw Ning la, share shagan yawng hte asak ap nawng ya sai hpu shawng hpu ba share shagan yawng hpe an hte New Zealand kaw shanu nga ai wunpawng myu sha ni kawn hkungga jaw dat ga ai.W.P mung dan hte myu sha ni yawng a n tsa hpan karai lam woi bau sin makap maga u ga law.

Slg.lakang Dau Hkawng

NZKC ( Ning Baw)

Matut mahkai mayu yang

Dau Hkawng 0064-06 3683872 h/p 0210642851 donghkong@gmail.com