Content feed Comments Feed

Nawku Jawng shara nnan chyeju shakawn hpawng

Posted by nzk Monday, July 5, 2010

New Zealand mungdan Wellington mare hta sha nu nga ai J.W sha ni hku na (WKCF) a Nawku hting nu shara nnan chyeju sha kawn hpawng hpe mani 4.7.2010 laban nhtoi hta North Porirua baptist church Withby hta angwi apyaw hte galaw la lu saga ai.
Ndai chyeju shakawn poi hta Auckland kaw sha nu nga ai J.W sha ni mung ngun myi alu rai sadu gabu chyeju shakawn lawm ma ai . Dai hta sha n-ga du sa ai sha wa masha ni hpe htung hkring kahkrang ,malu masha ni hte hkap hkalum la ai lam mung ga law ga ai. Ndai anhte hpe shara jaw ya ai ndai nawku hpung ni gaw myen mung de mung sasana galaw nga ai ni rai ma ai.
Lai wa sai ten hta gaw dum nta langai hpang langai gayin nawku ga ai re, bat sha gu shna de byan 1:00 kawn hpang ai , madu a ma ni hpe madu amyu ga hpe chye shaga ,tsawra makawp maga chye na matu hte wenyi lam hta grau na su hprang wa lu na matu yaw shada let hpaw nhtan da ai re.
Ya ten hta N.Z mungdan ting J.W sha ni gaw htinggaw 60 jan ram rai sa ga ai re.





2 Responses to Nawku Jawng shara nnan chyeju shakawn hpawng

  1. HUGAWNG Says:
  2. Grai kabu n gun lu ai law.

     
  3. Anonymous Says:
  4. Ndai zawn lu galaw ai gaw KK a chyeju nan rai sai.
    Annau ni yawng matut nna yawng ni grai naw shakut ra na re ngu mu mada ai.
    Shada da lam woi madun let kaja dik ai shawng lam de sa wa ra na re.
    Hpa mi nga tim ndai zawn NZ kaw nga ai WP sha ni a asak hkrung lam hpe loi mi sha pyi chye lu ai majaw Kabu nma nan rai sai.

    yawng hpe grai chye ju kaba sai.

    Marip Seng Lat.

     

Post a Comment

Matut mahkai mayu yang

Dau Hkawng 0064-06 3683872 h/p 0210642851 donghkong@gmail.com