Content feed Comments Feed

Jinghpaw laili laika

Posted by nzk Sunday, November 23, 2008

I L T A H K ,,,,,Moi naw gaji ai ten gin htawng jawng lung ai ten hpe bai myit shing ran ai. Dai ten hta gaw j.h lai ka sharin ai hpe ahpa atang sha myit la ai grau na gaw ginhtawng myen jawng dat ai ten bai rai re na gaw Lewam nang wam rai mayu , Nu Wa ni pawt na hpe sha hkrit na majoi shamying shamang sha sa sharin ai hku re dai lam ni hpe dai ni bai myit sawn yu na myit malai lu ai , tinang a laika hpe nau wa manu n-shadan ahkyak nla majoi nga shalai kau sai ,dai lam ni gaw gaya gahpa she rai nga ai. Tinang wa j.w sha rai nga na tinang a laika hpe nchye hti nchye ka ,tinang a laika hpe nchye shagrau yang gaw gadai amyu ni wa madu a laika ni hpe manu shadan ya sana ta?

Mung kan hta amyu langai hku na grin nga lu na matu gaw dai amyu ni a htung hkring laili laika gaw grai ahkyak madung re ngu muma da ai. Anhte j.w myu sha ni moi ten hta gade ram ring chying lai wa yu sai kun gde ram wa share shagan magrau grang lai wa sa ga ai kun ? anhte hta dai ten ni hta lai ka n-nga ai majaw dai ni na ten labau hta madi madun na grai yak mat wa ,moi na ji woi ji wa ni a ngup ga hte sha tsun ginlen hkrat wa ai majaw labau sakse tai lu na grai yak nga ai.

Moi moi de anhte myu ni gaw shan hpyi hte kada ai laika lu yu sai nga na jiwa ni a maumwi maubung zawn nga na sha tsun lai wa sai, teng sha wa anhte amyu ni a kraw dung hpaji tsun shaga ai ga ni hte htung hkring labau ni gaw grai madang tsaw ga ai, gashadawn Jai wa Dum sa ga, Gashagawp, Gamalai ,Ningchyin ga zawn re ni law law rai nga ai.Jaiwa dumsa gani gaw yumaya mashani nchye na ai ,shanhte tsun shaga ai ga ni gaw grai lachyum sung ai gani rai nga ai ,rai tim jinat prat hta jai lang ai re majaw hkritstan tai wa ai hpang gaw nawku htung hte nhtan shai ai nga na tawn kau ai majaw dai ni mat mat ai kaw du mat wa ai.

Sin na mung na sasana sara ni a jaw e anhte ni gaw lai ka hpe bai lula saga ai ,rai tim ndai j.w lai ka hpe hkumtsup kup ai hku lang lu na matu grai naw gram la ra nga ai hpe mu lu ai , ga ngau ,ga yan ,ga hkring ,ga sa ni hpe atsawm sha nchye ka jang hti la na matu grai yak la nga ai, dai majaw anhte a laika hpe jat bang la ra ai lam ni, gram lara ai lam ni law law naw rai nga ai ,tinang a lai ka hpe tinang nan pawnba gaw sharawt la ra ga ai, lai lilaika gaw amyu a asak sai lam re hte maren laika ka sara ni law law anhte hta ra nga ai . Dai ni na anhte a ginra ni hta anhte ni a laika ga ni gaw gayau gaya she rai mat wa saga ai j.w laika hpe ginhtawng ta hta nawku hpung hkan sha lu sharin la nga ga ai .

(Moi myen ni gaw miwa ga de sa na j.w mayu ni hpe sha myit na matu hpaji sa hpyi ma ai da dai shaloi miwa ni gaw gara hku bai tsun dat ya ai nga yang j.w buga shara shagu hta myen laika hpe lu sharin ya hkra ladat shaw mung ngu hpaji jawdat ai da .teng nteng gaw nchye ai le i )

Dai ni nang ngai gaw J.W myu sha tai sai hte maren madu a laika nchye hti nchye ka nkam jai lang yang gaw masha man hta gaya gahpa rai nga ai laga mai gan amyu ni a laika ga hpe chye ai zawn madu a lai ka ga hpe mung manu shadan jai lang ga, anhte njai lang jang anhte a laika ga ni gaw mat mat na sha re .Dai majaw madu a laika hpe lawlaw kasha bra ga sumrai ,mau mwi ,ga malai ni ,ga shagawp ni ,ga gale laika ni law law naw ra nga ga ai .Dai majaw mung kan ga hta j.w myu shani ring chying wa na matu hpan madu hta shamyet shanat let lai lilaika hpe laknak langai zawn jailang sawa ga ngu yawng hpe gasaw dai ai law.


Ngai na yu ai j.w ga malai ni


Myit yang mang ai ,,Galaw yang dang ai.
Ma rai masum myit hkrum yang ,pang lai hpe pyi lu htawk ai.

Hka gahtam yang shing lang hkra na.
Na hpang wa a chying dum.
Magwi na kaw ting se dum ai hpa .

Prang hpe majoi nat , Majan majoi gasat.
Poi zau ai ni waw waw ma ai.
N gup gaw bawlaw ,, Lata gaw lagyaw.

Bau dum bau waw ,, Ga tsun ga law .
Wu Loi a hkyi law .
Ja nan tam yang ,, Jasa mat.
Juda ai mu hkat mat,,,Le tawn da ai mung mat mat.

Gum ra a prang mu gajawng hpa.
Myit ai kaw du yang ,,sahti paw ai .
U gwoi mahka na nsin .
Mana shatu ,,Pai lu




2 Responses to Jinghpaw laili laika

  1. NBWI SAM Says:
  2. Ngai gaw Jinghpaw laika tsang kaman hpe bat 2 sha lung ga ai le. hee hee

    Madu laika madu n chye n mai ai ngu na dakkasu ngut ai ram kaw she bai hkaja ai re.

    2003 hpang de she Jinghpaw ga loi chye shaga ai re. Moi gaw maigan aga ni sha shaga lai wa sai.

    Anhte a laili laika n mai mat ai. Jinghpaw laika hta n-ga ngam ai amyu bawsang ni yawng a laika hpe ma tut nawng ngang grin hkra jai lang mat wa ra ai.

    Ndai laika hti lu ai majaw grai kabu ai.

    Maigan du nga sai ni hta, kashu kasha ni hpe ma, madu ramma ni ma Jinghpaw laika sharin, jai lang chye ai ladat ni galaw sa wa ga. Jinghpaw shi laika ni shapraw ga. E-media sha n-ga, print media hku nna mung galaw sa wa ga.

    Gumhpraw grai ma ai baw n re tim mai galaw ai lam ni hpe myit nna shakut sa wa ga law.

     
  3. kachinland Says:
  4. Manu dan a kyu rawng dik ai hte n lang nan n mai ai ga shagawp ni rai nga, grai kaja sai , awngdang u ga,

     

Post a Comment

Matut mahkai mayu yang

Dau Hkawng 0064-06 3683872 h/p 0210642851 donghkong@gmail.com