Content feed Comments Feed

Ri Nawng Nhtu

Posted by nzk Friday, January 16, 2009

Anhte a Wunpawng htung hta La ni Num la na rai yang madu lan num sha hpe htung hking hte hkrak sa hpyi la ra ga ai re . Mayu ni hku na Dama ni hpe madu a shayi sha jaw sha sai nga ai hte ri hte nhtu shawng jaw dat ai . ri nhtu lu la sai nga jang gaw 90% gaw mai kam sai hku rai nga ai mayu ni kawn ahkang jaw ai hpang she dama ni gaw ra ai lam ni bai mai matut lajang mai ai hku re . Hpa majaw ndai zawn re galaw ra ai ta nga yang mau mwi nga ai hku re dai gaw ndai hku da ........

Moi shawng de grai lagawn ai Jinghpaw la langai nga ai da shi gaw hpa amu mung nkam galaw ai sha ga nhkun htu na nhkun mahka ntsa kaw sum ri grang da nhtawm shi gaw nhkun kata kaw shang rawng let sum ri hpe gang dat yang bung.. bung..  nga grai ngoi ga du ai nsen pru ai da ,shi gaw shani sha gu dai ga chying  chyu dum na nga ai da.

Lani mi hta gaw Munat wa gaw dai Jinghpaw la wa dum ai gachying a majaw baw machyi na shi a ali ama ni hpe dat na ndum na matu sa tsun tim dai la wa gaw nmadat ya ai da  dai majaw Mu nat ding la gaw shi a shyi sha hpe shangun dat ai da . " Nye wa tsun ai dai gachying hpe hkum dum na da nang ra ai hpa rai tim jaw na da " dai la wa gaw " um nang hpe lu la na rai yang gaw ndum sai "
Mu nat ding la mung ganing nchye di na shi kasha hpe jaw sha ai da .Shan lahkawng hpe galaw lu galaw sha na matu nhtu langai kum hpa jaw dat ai da.lani mi hta madu jan yi sa mat ai shaloi dai la wa gaw nta kaw mam lam da let pali shit taw nga ai da dai shaloi mam sa sha ai u hpe nhtu hte shada dat yang u ni gaw baw yawng di mat ai da ,shana de madu jan bai wa na u ni hpe tam yang nmu na san yu yang ngai nhtu hte sha shada ai yang bawdi mat ai ngu tsun tim madu jan gaw nkam na garu di ai bai law yu ngu tsun yang shi gaw ndai hku ngu shi madu jan maga de nhtu shayawn dat ai hte madu jan gaw baw di na si mat ai da.

Dai lawa gaw hpa nchye di na yawn taw nga ai da Munat wa gaw shi kasha hpe sa woi la na bai jahkrung ya ai da ."um nanhte hpe ndai ntawng nhtu gaw nmai ya sai dai majaw nmai kahtam ai baw ri nawg nhtu mahtang lawa masu " ngu tsun let bai shabawn dat ai da dai shani kawn anhte W.P myu shani hta ndia htung hking byin wa ai re da . Teng nteng gaw nchye ai mau mwi she re gaw le i .ndai mau mwi hpe ramma hpawng langai hta sara Palawng NawTawng hkai dan ai mau mwi re.

Dai rai yang manu dan ai anhte a htung hking rai ni buhpun palawng ni gadai ga law ai ganang na sa ai anhte sawn yu ga ai kun?Ndai zawnre anhte a htung hking rai nihpe galaw shapraw dut sha ai gaw gadai ni mahtang kun? mari lang ai gaw w.p shani rai nga ai.

Num la yang lang ai bau,ri nhtu, nbayan ni hpe anhte amyu ni nchye da nchye dup nchye dut sha ga ai.laga mai gan amyu ni galaw ai hpe anhte amyu ni gum hpaw mahkam na jai lang nga ga ai .w.p rida maka rai ni mying gum hkawng ai tsawm htap ai buhpun yang mung manu ai(model) nga ai re ,rai tim dai rai ni hpe chye da ai gaw myen ni she re anhte amyu ni dinggai ni nkau chyu sha ga dalang kaw loi li sha da mat sai dai ni nnga mat ai hpang gaw mat sai sharin da ya ai lam nnga ai sharin hkam la ai lam nnga ai myit yu hpa re .

Tsun mayu ai gaw htung hking rai hpe jai lang ra ai gaw anhte amyu ni galaw shapraw dut sha nga ai gaw masha amyu ni rai yang anhte a jagum hpraw gaw gara de du mat na .myen ga malai nga ai anhte galaw ai lam gaw kik pawk ne hpa kauk ngu ai baw she rainga ai .Nang hpun da ai jinghpaw maka grai tsawm ai le gadai ni da ai ta ngu san dat yang masha amyu ni she re arawng la hpa nnga ai myit yu hpa re .

Anhte a htung hking hpe tsun jahpyak ,anhte a amyu hpe jahpoi ai nre gaja wa sha nan myit yu hpa lam ni re hpe mu mada ai, anhte amyu ni n-matsan ging ai ni re ,nchye galaw ai majaw matsan nga ga ai .

Nang lu ai atsam marai hpaji ni gaw Na a matu, Na a dum nta masha, Na a mare buga, Na a amyu mungdan a matu rai u ga ..





2 Responses to Ri Nawng Nhtu

  1. kabranghku Says:
  2. Grai hkrak sai yaw. Teng n teng n chye ai Palawng Naw Tawng hkai dan ai nga nna le......Chyeju kaba sai yaw.

     
  3. nobel Says:
  4. myit yu shangun ai hte sha gaw n'ngut ai.nang myitsu wa laika hte pa kade daram mi ka tim hti ai ni gaw..e grai hkrak ai low.grai hkak ai .grai ma hti pyaw ai lo she nga ma ai.(hkum ka u ngu tsun mayu ai mung gaw n'rai)de majaw nang myitsu wa mai byin jang gaw an hte myu sha ni hpe zuphpawng law law galaw ya marit.an hte myu sha ni hta ra rawng ai krit nem ai hkrat sum ai lam ni gaw zuphpawng n'nga mat ai n'galaw mat ai.zuphpaw n'nga ai dinghku,mare hpa byin mat na hpe nang myitsu wa grau chye na re.n'dai comment kaw shut hpyit ai lam nga jang tsawra myit hte mara raw dat ya rit.

     

Post a Comment

Matut mahkai mayu yang

Dau Hkawng 0064-06 3683872 h/p 0210642851 donghkong@gmail.com