Gabu gara ai Hkrimast rai u ga ngu yawng hpe shakram dat ai .Anhte maigan mungdan hta du hkawm nga ai ni hkrismat hpe kabu gara ai hte galaw lu tim anhte a Mungdan Buga na sai daw sai chyen myu sha ni gaw ndai aten hta shani shana hkrit maja let sha sak hkrung ra ai ten mung rai nga ai law.

Mung maden myen asuya ni gaw anhte a buga de majan bai hpaw gasat wa ai gaw dai ni shata 7 de she rai mat wa sai, Ndai majan gaw galoi mi she zim mat na mung hkrak n chye lu ai. Majan a majaw duhtaw sai hkaw ai lam ni, yak hkak jam jau ai lam ni mung law nga ai, grau na gaw myen asuya hpyen la ni a shaing gyim ahkaw ahkng tawt lai ai lam ni gaw anhte a buga ni hta dik mat sai hku re.
shata 7 laman byin lai wa sai majan ni hpe bai yu yang anhte amyu sha ni a ntsa karai kasang a shaman chye ju ni mau na ram hkam la lu ai hpe mu mada ai. Myen ni mung shahte prat tup gasat wa ai majan ni hta ndai ram hkrat sum ai lam gaw nga na nre ngu kam ai. Bai anhte a shang lawt asuya mung ndai ram awng dang ai lam hpe rai nhkrum yu shi na re ngu kam ai, dai rai yang mahtai gaw hpa rai ta ? Myit hkrum ai lam re ngu mu mada ai.

Moi lai wa sai ten hta KIA / KIO ni shaning na na wa myen hte gasat lai wa sai ,n dai lang na majan ram mung masha ni madi sha daw shang lawm ai lam hpe n mu yu ga ai, dai ni gaw mung chying mung sha wa yawng nji ngu shang lawm ai majaw mau hpa shaman chye ju hpe hkam la lu sai. Ndai lam ni gaw KIO / KIA hte mung shawa gaw dai ni hka hte nga zawn ganawn ai hta sha n-ga woi awn nga ai Ningbaw ni a K.K a ntsa kam sham ai makam hte woi awn ai majaw mung rai nga ai, moi majan kade byin tim kadai wa mi majan dang na matu lusha gam akyu hpyi ai nga mung nna yu ga ai. Anhte a makam masham hte myit hkrum ai a majaw myen ni gaw anhte hpe nhtoi 10 hte sha myit kau na majan gaw shan hte myit ai hte wa shakap shai mat ai majaw ya dai ni gaw shan hte hku na she mung masa bawng ban ga nga ga pru wa ten du sai hku re.

Dai majaw dai ni anhte kaning re mung masa lam hpe tsun jahta na kaning re lam yan de rai wa na ngu ai gaw woi awn nga ai Ning baw ni tau na hkyen lajang da ngut na sai ngu mung kam ai. Myen ni gaw moi moi kaw na teng man ai ni nre hpe anhte labau hta chye chyalu rai sai ,lang hte lang mung hkrum sha yu sai, ya gaw shari mu ram sai anhte grai sadi maja let galaw ra ai. Myen ni a labau hpe yu yang moi English hpe gasat na matu Japan hpe sa pang la ai, Japan hpe bai gasat na matu Englisha hpe bai pang la ai, ngut jang labau kaw gaw shahte she ndan madu zawn nga na bai tsun , Mung dan a teng man ai labau ni hpe sha mat shamyit kau n-na shanhte mye amyu kaba masa hpe hkrang sha paw mat wa ai.

Dai ni na ten hta mung Myen gaw Miwa hpe kam dat Gala hpe pawng dat Amerecan ni hpe lama mi nga masu dat rai na nji ngu rai bu si nga ai, ndai zawn re mung dan kaba ni a lapan kaw mung masa gasup sha bu si nga ai ,gasup shut dat yang mung dan ting zang ayai mat na hpe gaw ndum ma ai kun? Ya ten na Jinghpaw hte myen a mung masa hpe yu yang mung KIO a mung masa gaw ntsa kaw rai nga ai, KIO gaw panglung gasa di hpe manat da ai ,myen gaw shan hte kada ai 2008 ning a gaw da tara hte rai wa mayu ai, kaja wa sha nga yang Myen mung hta rawt malan hpung ni law wa ai a npawt mung dai panglung ga sadi n-grin wa ai a majaw re, dai majaw dai ni mung dai panglung gasa di kaw sha sim sa lam hpe mai lu la na re, Myen ni panglung gasa di gaw prat nrai sai mi nga tim mahtai gaw dai kaw sha dik wa mai nga ai.
Dai majaw anhte wunpawng sha ni a teng man ai mung masa mahtai hpe daw dan hpa ran la na ten gaw dai ni rai sai,woi awn ai ningbaw ni mung ngang grin ai mung masa policy ni hpe tau hkyen da na sai ngu kam ai, anhte mung chying mung shawa ni mung woi awn ai ni a ga hpe madi sha daw hkan sa chye ai mung shawa masha tai ra ga ai, mai gan ga hkan e du hkawm nga ai ni mung madu a mung dan dum nta hpe bai wa gaw gap la na matu jin jin rai nga ra sai. Nang ngai lu ai atsam hte myit hkrum mang rum ai hte jawm shakut wa yang ai hte a awng padang gaw gade ntsan ai kaw rai sai , U lu mahka na hpungkun daw nmai byin ai lam shagu hta myit shing ran mu let rau sha jawm sha kut sa wa ai rai yang gade nna ai aten hta anhte a Sut Ngai Mung hpe madu la lu na gaw gala htum nshut rai sai law.
Yawng a ntsa Karai kasang shaman ya u ga.

Myen asuya ni kawn anhte J.W buga gin ra ni hta tawt lai ai shinggyim ahkaw ahkang hte Myusha ni ntsa sat nat ai lam ni.

New Zealand du Jinghpaw wunpawng myu sha ni kawn dai ni anhte a mungdan hta W.P Mungdan shanglawt asuya ntsa myen asuya kawn laja lana htim gasat ai majan hkrun lam hpe AUNG DANG ai hte padang dip lalu na matu hte hpyen yen tsin yam masha ni a matu hkying hkum 12 lusha gam kyu hpyi lamang hpe NZ Mungdan mare kaba lahkawng hta galaw lai wa sai.
Dai ni anhte kam hpa na gaw hpan wa karai sha nga ai,anhte a lam hpe dai madu hta ap da yang shi shabyin na ra ai,ngun dating na myit nden sha ja nga ga.

(12) Lang na KBC RAMMA masat Nhtoi mungga hpe ndai kaw matut hti ga.http://www.blogger.com/img/blank.gif

Jinghpaw Wunpawng sha ni a Rawt malan hkrun lam hpa majaw chying hkraw galu nga ai? Hpa majaw nmai Awngdang ai? Kaja wa sha anhte amyu ni shanglawt lu nra sai i? Shang Lawt hte mayam ngu ai hpe nang gara hku chye na ai.Ndai kaw matut hti yu ga

Mungkan madang Rugby ginsup poi (Rugby world Cup 2011) kaba, hpaw poi hpe Auckland Muklung Eden Park kaw grai hkik hkam ai hkrang shala lamang ni hte galaw lai wa sai.Ndai hpaw poi hta masha 60,000 jan sadu ngun jaw ai lam chye lu ai.NZ Mungdan hta gaw Rugby hpe madung gin sup ma ai hte NZ masha ni grai ra sharawng ma ai. Ndai zawn Mungkan madang (World Cup) hpe 1971 ning kawn hpang ai lam chye lu ai.

NZ Mung dan du J.W sha ni kawn Wunpawng Mung dan hta byin nga ai hpyen yen tsin yam masha ni hpe garum madi sha daw lu na matu alu tam ai lamang hpe mani 27.8.2011 hta Auckland mare kaw awng dang ai hte galaw la lu sai . Ndai lamang hta htung hkring malu masha , ka hkrang ni madun dan ai hte masha ngun 300 jan sadu ngun jaw la sai lam chye lu ai.

Wunpawng Mungdan Hte Wunpawng amyu sha ni dip da ai kaw na lawt lu na matu myit shing ran shaw ta tut woi awn shakut shaja lai wa sai anhte a myu tsaw share shagan ningbaw ning la ni hpe na chying wa chyeju dum ga ai.
Anhte NZ nga J.W sha ni kawn lak san lamang nlu galaw tim, ndai zawn Myu Hte Mungdan Shang Lawt lu na matu asak ap nawng sha kut sha ja lai wa sai Myu tsaw share shagan ningbaw ningla ni yawng hpe arawng la Hkungga jaw dat ga ai.
N-ngut shi ai rawt malan hkrun lam hpe nanhte myit mada da ai Awmdawm shanglawt nlu ding sa nga ai sha ra , lu ai atsam ladat hkum hkra hte matut shakut na ga ai. Karai kasang a sumsing mungdan hta ning ngai nga mu ga myit dum kyu hpyi dat ga ai .


Wunpawng Mungdan Shanglawt ......... (Lu u ga )2
Wunpawng Myu sha ni shanglawt .........(Lu u ga)2

Myen mung asuya a 0pposition party ning baw Aung san Kaw a Thinsin hte rawt malan hpung ni de shagun da ai laika hpe hti maram yu ga , ndai bat laman myen asuya hte hkrum shaga ngut ai hpang ndai ndau laika pru wa ai lam re.

Demonstrators have called on the New Zealand Government to take a stand against human rights abuses in Burma's Kachin province. click

NZ du J.W sha ni kawn Dai ni 27.7.2011 hta NZ asuya parliament rung shawng kaw ngun madun ai lam ga law lu sai. NZ ten 12:00 pm kaw na 1:00 pm du hkra galaw ai hta hpunau Hkang hte laga Myen mung masha ni, NZ Mung dan masha ni mung shang lawm ai hte masha yawng 100 ram sadu ai. Ndai ngun madun ai lam hta madung hku na dai ni na J.W sha ni hta byin nga ai mabyin ni hte hpyen yen tsin yam lam ni hpe NZ mungdan asuya kawn garum madi sha daw ya na matu madung hpyi shawn ai lam galaw ga ai. Seng ang ai asuya ni kawn mung parliament kata kaw ndai lam ni hpe issues langai hku na bawng ban mat wa na lam tsun sha na wa sai.

New zealand du jing hpaw wunpawng sha ni kawn dai ni anhte a Mungdan hta byin nga ai majan nhtan hte tsin yam tisn dam a matu anhte dang di dep ai made shang lawm shakut nga ga ai.
Majan byin ai hte w.p mung dan hta byin nga ai masa hpe NZ nawku hpung sha gu de akyu hpyi garum la na matu saw lajin laika pa sha bra sai. NZ du j.w sha ni kawn tsin yam masha ni a matu NZ dollar 3635.00 tup hpe june sha ta 28 ya sha ni shalai jaw lu sai. NZ national redio nsen shapoi dap ni hte matut let anhte a mungdan mabyin ni hpe july 5 ya hta shapoi lu saga ai.

NZ kachin community kawn woi awn ai hte NZ du Myenmung bawsang ni hte jawm gum hpawn let satement langai hpe july 11 ya hta seng ang ai NZ asuya dap ni de shalai shabra lu sai. Matut nna july 15 ya hta Wellington kaw nga ai J.W nawku hpung ningbaw ni kawn mung NZ Mungdan a opposition party langai rai nga ai green party a maigan matut mahkai hkring mang wa hte sa hkrum sha ga lu sai hte J.W Mung dan a dai ni na mabyin ni hpe tsun dan lu sai.


Matut na Wellington kaw nga ai J.W hkristan nawku hpung ni hte partners relife development ni woi awn let J.W mung dan hta byin nga ai hpyen yen tsin yam masha ni a matu alu tam ai lamang hpe july 17 ya laban ya shani North Porirua baptist church hta ga law lu sai. Matut nna mung myu sha lamyan hta grau na tang du ai hte galaw sa wa na masing ni nga ai lam hpe chye lu ai.

Tsaw ra ai mai gan Mung dan ni hta du taw nga ai J.W sha ni hpe ga saw lajin mayu ai dai ni anhte a mungdan hta byin nga ai mjan a majaw buga masha ni ruyak tsim yam hkrum nga sai hpe yawng chye nga chyu lu rai sai, ndai majan mung koi yen nmai ai majan mung rai nga ai , ndai majan galoi she zim na mung gadai nchye lu nga ai .
Miwa mung hte hting bu ai majaw anhte a tsin yam hkrum masha ni hpe mungkan kaw na garum la na mung grai yak nga ai . Dai majaw nang ngai mai gan ga du nga sai ni madu hte ni htep ai nawku hpung ni ,manang ni, madu shang lawm ai wupung wupawng hkan e anhte a lam hpe chye tsun da ra ga ai ,anhte lam hpe anhte sha ntsun dan, nkajai dan yang kadai mung atsawm chye na nre.
Dai ni US,Canada,UK,Norway,NZ,Australia kaw nga ai J.w sha ni hpe lajin mayu ai ndai partners relife development ni hpe matut mahkai la ga ngu gasaw mayu ai ndai wuhpung gaw Myen Mung jarit na tsin yam ni hpe garum nga ai ni re, nkau chye ai ni mung nga na sai , anhte NZ na J.W sha ni gaw ya ten ndai wuhpung hte matut let tsim yam masha ni hpe grau na tang du ai ladat hte garum lu na matu hkyen la jang nga sai.

June 30 ya sha ni Myen asuya hte wunpawng mung dan shang lawt asu ya ni ntsa lam hkrum sha ga ai lam shi ga na lu ai majaw myit hta kabu ai zawn nga hkam sha ai rai tim myit tsang ai ma ga de she grau law n-ngai hpa ma jaw nga yang myen gaw tsun ai hte galaw ai gaw galoi mung wa shakap shai chyu galaw ai ni re.
Ya mung sim sa lam ga law ga she nga tim shan hte a arawn lai ni gaw sim sa lam maga de nrai nga ai.KIO/KIA hpe sha myit kau na lam hpe ladat jaw jaw hte lu galaw na matu majoi aten garawt nga ai ngu sha mu mada ai, maga mi de jahta ai zawn rai masu na maga myi de gaw hpyen n-gun jat bang nga ding yang rai nga ai,mung masha ni hpe zai hte zing ri ding yang rai nga ai.
Dai majaw anhte a ning baw ni sung sung myit yu ra na ga ai lang hte lang anhte hkrum sha yu sai mahkrum madup hpe myit dum ga ,myen ni shawng sim sa lam a matu hpyi shawn wa ai nga na myit nkaba mat na mung sadi ga kalang shut jang sharai la na yak la ai re dai hpe anhte dum nga ga.
Dai ni kraikasang gaw anhte myu wunpawng sha ni hpe shalawt dat mayu sai anhte ni ladat jaw na sha ra sai.Moi shang lawt nnan hpang wa ai sha loi na mung shawa masha ni a myit ja sat hte dai ni na W.P sha ni a myit ja sat grai shai mat sai hpe mu ma da ai dai majaw anhte tawn da ai pandung ndu ding sa nmai jahkring ai Awng padang lu hkra myit hkrum mang rum hte sha kut yang k.k gaw an hte hpe Awng padang hta nlaw sha ngun na re hpe kam hpa let jawm sha kut ga law.
Wunpawng Mung dan shanglawt lu u ga.

Mungkan shiga pinra hte WP ni a gam maka - sawn dinglik ai Maran La Raw (SK)

· Myanmar blames Kachin rebels for fighting

· Associated Press– Sat Jun 18, 2:18 am ET

YANGON, Myanmar – In its first public comments on a week of fighting in northeast Myanmar, the government said Saturday that ethnic Kachin rebels fired first and the army had to act to protect a major Chinese-built hydroelectric power project.

The skirmishes were some of the fiercest in nearly two decades between government forces and the Kachin Independence Army. They erupted June 9, displacing at least 10,000 people over the course of about one week. The rebels have blamed the government for launching an offensive after militia fighters rejected a call to leave the strategic region.

The government says it did call on rebels to leave, but accused them of firing first after threatening Chinese technicians and detaining two army officers, according to a report Saturday in the state-run New Light of Myanmar newspaper.

The 8,000-strong Kachin militia is one of several minority ethnic rebel armies in Myanmar who say they are fighting for greater autonomy.

The government paper said Myanmar's military ordered rebels to withdraw from a camp near the Tarpein hydropower project, a joint venture between Myanmar's Electric Power Ministry and China.

The government said that during the fighting, militia fighters blew up power pylons that fed the project, as well as 20 bridges. The violence forced 215 Chinese employees to flee home across the border, the report said.

Military columns "had to inevitably attack the KIA just to rescue their officers ... who were detained without any reason and to protect the high-cost Tarpein hydropower project," the report said.

The U.S. Campaign for Burma, a Washington-based lobbying group, said last week the militias had returned six detained army soldiers during a lull in fighting. It was not immediately clear if the two officers reported detained by the government were among them.

Myanmar's central government has tenuous control of many parts of the country where minority groups are strongest. Many of those groups maintain their own militias. The government has reached cease-fire agreements with 17 rebel militias since 1989 and most have been allowed to keep their weapons and maintain some autonomy over their areas.

The Kachin militia reached a peace deal with the country's former ruling junta in 1994, but the truce broke down last year after the militia rejected a call by the government for them become border guards under army leadership. The junta made the appeal ahead of last November's elections, Myanmar's first in 20 years, which introduced the nominally civilian government now in power.

Sawn yu ga

Anhte hpe ndai hku mu shangun nga ma ai: Lahta na shiga hpe Yahoo website kaw na shaw la nna kasi madun tawn nngai. Ndai gaw mungkan shi-seng media hpe gumshem Myen atsuya gara hku nna, gade daram lu lang ai hpe madun nga ai. Ndai hta WP rawt malan hpung hpe rebel – tara shang ai atsuya hpe ninghkat rawt malan ai ni- ngu nna shamying tawn nga ai. KIA hpe rebel ngu nna dingyang shamying tawn ai gaw mungkan a myiman hpe gumshem atsuya mu shangun mayu ai hku yu mat wa na matu lajang la ai lam re. Kaga shara hkan KIA hpe insurgent, mungdan uphkang masa hpe rawt malan ai ni; armed militia – laknak lang ai kahtawng/mare masha, mung ngu nga ai.

Gumshem hpyen atsuya gaw tara shang ai mungdan atsuya re, tim KIA hpe gaw rebel, insurgent she re, ngu nna mungkan shawa hpe chye na hkap la shangun ai ladat re; ndai gaw news media a manu mana kaba la ai n-gun re. Shawa a myit hpe gang gayin la nna shagyip kau ya ai masa rai nga ai. Dai ni na globalized world – mungkan ting gumdin gumhkaw langai sha rai mat wa ai mabyin manghkang hta, lu lang yang n-gun kaba rai, n lu lang yang hkam mana na rai, rai nga ai.

Anhte maga hpe gara hku mu mat wa sai kun? KIO/KIA gaw mungmasa lam ai majaw, jet ai federal democracy sharawt mayu ai majaw, Munghpawm hpe gawgap shalat ai ni aru apawt shadaw dawhpum hku nna masat bang tawn ai tinang amyu mungdaw hta tinang uphkang lu ai ahkaw ahkang lu na, nga ai majaw rawt malan ai lam, Panglong Agreement hpe matut manat tawn nna sa wa ai uhpung, - ndai lachyum ni hpe shinggan nna n mu lu mat sai, n na lu sai, dai majaw kadai n chye mat sai. Anhte gaw, gumshem atsuya ya a matu rebel, insurgent ni sha re, ngu ai daram sha chye na mat sai.

KIO hpe “Aung San Lu “ ngu shamying ya ai ni pyi nga sai. Aung San Kaw hpe “aprat lai mat, nau gumgai mat nna n mai lang sai” nga ai shiga news media report galaw ai ni nkau mi gaw, KIO hpe “Aung San Lu” ngu mayu nna tinang nan bai mani gahe, re ai langai lahkawng hte hkrum yu sai, tengsha byin sai. Daup dat gaw n mai, hkam gaw n kam hkam rai yak kau sai.

Du Kaba G. Gam Shawng hte S. Gun Maw hte hkrum yu ai ni chyawm gaw “Ndai yan gaw KIO zawn n re” bai nga ma ai.

Shinggan de na news media report galaw ai ni a matu KIO hpe gaw n kam hkungga mat timung, KIA hpe gaw malai shatai na lam bai n mu mada, re ai manghkang byin nga malu ai. Tengsha re.

WP ni a yi-ngam Anhte hta gumshem atsuya zawn, daram, media laknak ginsup na atsam n nga ai. Shanhte chyam hkra galaw lu ai daram anhte n chye galaw ai, n-gun n nga ai.

Tim, gumshem atsuya a shiga masa gaw shamawng ai masa re; hti nna shanhte hpe kam ai gade daram nga ai kun? Gumshem atsuya hpe “kam ging ai ni, sadi dung ai ni” ngu masat la tawn ai mungkan mungdan hpa-awn ni gade nga nga ai kun? Tengsha n kam timung, Miwa Mungdan zawn, “kam masu ra ai” mungdan kade nga kun?

Anhte a lit – Anhte chye lu ai ndai daram re: Sinna democracy mungdan kaba ni hte gumshem atsuya hpe “n kam ai, kam yang shut ai” ngu chye na mat sai ni grai law nga ai. Ndai ni gaw, anhte maga de nna kasa ni du sa nna tsun ai hpe madat na jin jin rai taw nga masai. Anhte shanhte hpang de kyit-hkai kasa dat saga ni? Anhte sa tsun dan na anhte a agenda: “Anhte gaw insurgent n re, tengman jet ai federal democracy hpe sharawt na matu Panglong mahkyen hkan ai Munghpawm hpe makawp maga ai ni she re” ngu sa tsun dan na jin nga saga ni?

Ndai zawn re atsam shapraw nna kyit-hkai gintan la ai ningtau mungdan kaba ni garum la ai hte anhte a mahkyen awng dang lu na lam de matut sa wa ra saga ai law.

Tsaw ra ai N.Z du J.W myu sha ni , Mungkan shara shagu hte kanu mungdan hta sha nu nga ai J.W myu sha ni yawng hpe ga saw lajin dat ga ai. KIO kawn woi awn nga ai PADANG HKRUN LAM hta aung padang dip la lu na matu karai kasang kaw anhte ja ja akyu hpyi ra ga ai ,dai majaw madu du nga ai sha ra kaw lani mi 3 lang nhprai ai sha akyu hpe ga ngu gasaw la jin dat ga ai.

Kyu hpyi na aten Manap 6:00 Am shani kang 12:pm hte shana de 6:pm

Akyu hpyi na lam

1. PADANG HKRUN LAM HPE KARAI KASANG WOI AWN YA NA MATU.
2. NING BAW NI KARAI KASANG KAW NA NYAN HPAJI LU LA NA MATU HTE MYU TSAW SHARE SHA GAN NI A MA TU.
   
3. KARAI KASANG A MYING NING SANG HTA J.W SHA NI GRAU NA MYIT HKRUM GAHKYIN GUM DIN WA NA MATU.
4. HPYEN HPRAWNG TSIN YAM NI A MATU.

Nbung laru kaba du na matu gaw nbung bung shi ni shawng ahpawt ai hpang she laru ka ba gaw du ai re. KIO kawn myen hte sim sa lam la let mung masa hpe hparan lu na matu lam tam sha kut yu tim jet ai mahtai hpe nlu ai dai majaw 17 ning zim nga ai sanat mahku gaw anhte a mung dan hta bai na lu sai. Ndai zawn sim sa ai ten myen gaw anhte buga gin ra ni hta hpyen dap ni hpe hpaw jat let grau na she maden jat wa ai myu sha myit masing hpe zai ladat jaw jaw hte ga law wa ai gaw ngang ngai yawng chye nga ai.
Ndai zawn sim sa nga ai ten anhte bu ga ni hta nbyin ging ai grai byin lai wa sai,lamu ga ni hpe laba hte madu la ya ai myu sha ni hpe kasi majan hte gasat ai,wuhpung kata sum prat a dit bang ai sai garan ai ,nang hpan lu sha ni hte sha myit ai . Ndai zawn myen hte sim sa lam la ai a marang e anhte amyu ni a matu hpa akyu nhkam sha ai hpe mu mada ai .
Dai ni myen gaw shi a hpyen dap hpe chyam yu na matu hte KIA a atsm hpe chye mayu na ja hte tam la let majan sha byin ai, rai tim shi tak ai hte shai mat ai ma jaw ya ten shi a zai la dat ning gawn hpe bai gram ai ten re ngu mu ma da ai kade nna yang maja hte anhte hpe bai htim ga sat na ma tu ngun la nga ai re ngu sha mu ma da ai.
Ahte wunpawng sha ni gaw pu gang sin machyi ni re, dai hpe chye ai myen gaw anhte a lapran shada sat nat hkat na gin jang ni hpe ga law nga ai . Ga sadi ndung ai myen gaw dai ni shi npu taw ai BGF dap ni hpe ding hku majan hta njai lang ai nga ga sadi hpe jahten kau na shawng lam majan pa de dat ai ndai lam ni gaw anhte hpe sumprat ga law ai sha re.
Dai rai yang dai ni anhte wunpawng myu sha ni hpa ga law ra ai ta karai kasang a mying ning sang hta myit hkrum gahkyin gum din ra ga ai.Dai ni anhte a kam sham ai hte myit hkrum ai gaw anhte hpe awng padang jaw ya na a npawt re.Myen npu hta bung li ga law nga ai wunpawng sha ni gadai rai tim ahkyak jang sai ga sha ga ga. Mai gan ni mahti jaw ai kaji kajaw ahkaw ahkang kaw sha npyaw mat ga madu a lam madu wang lu wang lang mai ga law ai ahkaw ahkang hpe myit mada nga ga.Dai majaw dai ni anhte J.W sha ni madu du ai sha ra madu mai ga law ai madang kawn anhte kaw du wa na satan a ari ahpri tsinyam mahkra hpe Dai Madu karai kasang a Mying ning sang hta kam sham ai hte myit hkrum mang rum let mahku nsen la ngai sha hte Awng Padang dip la ga ngu .

Wunpawng mungdan shanglawt asuya a ndau shabra lai ka clik

Yangon kaw jawng lung nga ai Jinghpaw ma ni hpe gau sha le clik

NDA-K Ningbaw ding sa lahkawng hpe myen ni nta kaw zing da clik

Lai wa sai 2010 ning shata man 8 hta sha byin lai mat wa sai NZ mung dan a dingda zinlawng na christchurch mare hta dai na de 1:00pm grup yin hta kalang mi bai n-gun 6.3 magnitude ja ai n-nang nawn kaba bai byin mat wa ai. lai wa sai shata 5 hta byin ai ten hta masha si ai lam n-nga tim dai ni bai byin ai gaw si hkrung si htan hte hkala nba ram ram law ai lam hpe chye lu ai ya du hkra gaw marai 60 jan si sai lam hte dum nta ni ram ram htyen run mat ai lam hpe shiga dap ni kawn lakap let chye lu ai. Ya ten tsinyam byin ai shara hta anhte J.W sha ni grai nnga shi ai lam hpe mung chye lu ai.

Lahta na gabaw hte kada ai laika gaw dai ni na anhte Myu Wunpawng sha ni a myit kraw kata hta myit yu sawn yu na hte tatut galaw ra sai lam ni rai nga ai . Ndai laika ngau hpe Ndai kaw sa mai hti ai .